សៀងហៃ៖ ទីក្រុងសៀងហៃ ដែលជាមជ្ឈមណ្ឌលសេដ្ឋកិច្ចដ៏ធំរបស់ប្រទេសចិន បានចាប់ផ្តើមការធ្វើតេស្តអាស៊ីតនុយក្លេអ៊ិចជុំថ្មីនៅទូទាំងទីក្រុង ដោយចាប់ផ្តើមពីម៉ោង ៥៖០០ នៅថ្ងៃច័ន្ទ ហើយអាជ្ញាធរក្នុងតំបន់បានបង្កើនការឆ្លើយតបជាបន្ទាន់ សម្រាប់វិធានការបង្ការការងើបឡើងវិញនៃករណីឆ្លងកូវីដ១៩។
ការិយាល័យបង្ការ និងគ្រប់គ្រងជំងឺកូវីដ-១៩ របស់ទីក្រុងបានឲ្យដឹងថា ចាប់ពីម៉ោង ៥៖០០ ថ្ងៃទី ២៨ ខែមីនា ដល់ម៉ោង ៥៖០០ ថ្ងៃទី ១ ខែមេសា សម្រាប់ការគ្រប់គ្រងការបិទខ្ទប់បណ្តោះអាសន្ននឹងត្រូវបានអនុវត្តនៅក្នុងតំបន់ដែលស្ថិតនៅភាគខាងកើត និងខាងត្បូងនៃទន្លេ Huangpu រួមទាំង Pudong និងតំបន់ជាប់គ្នា ដើម្បីអនុវត្តការធ្វើតេស្ត។
បន្ទាប់មកចាប់ពីម៉ោង ៣៖០០ ថ្ងៃទី ១ ខែមេសា ដល់ម៉ោង ៣៖០០ ថ្ងៃទី ៥ ខែមេសា ការគ្រប់គ្រង និងការធ្វើតេស្តបិទបណ្តោះអាសន្នស្រដៀងគ្នានឹងត្រូវបានដាក់ឱ្យដំណើរការជាចម្បងនៅក្នុងសង្កាត់ទីក្រុងភាគខាងលិចនៃទន្លេ Huangpu ។
ការិយាល័យគ្រប់គ្រងកូវីដ១៩ បាននិយាយថា វិធានការនេះត្រូវបានធ្វើឡើងដើម្បីទប់ស្កាត់ការរីករាលដាលនៃកូវីដ១៩ ការពារអាយុជីវិតនិងសុខភាពរបស់ប្រជាជន និងសម្រេចបាននូវគោលដៅសូន្យនៃកូវីដ១៩ ឱ្យបានឆាប់តាមដែលអាចធ្វើទៅបាន។
នៅតំបន់ដែលរងផលប៉ះពាល់ នឹងធ្វើការបិទខ្ទប់ជាបណ្ដោះអាសន្ននៅក្នុងសហគមន៍លំនៅដ្ឋាន ហើយអ្នកស្រុកនឹងត្រូវតម្រូវឱ្យស្នាក់នៅក្នុងផ្ទះ។ លើសពីនេះ សហគ្រាសទាំងអស់ លើកលែងតែសហគ្រាសដែលចាំបាច់សម្រាប់ការធានាតម្រូវការប្រចាំថ្ងៃរបស់ប្រជាជន និងប្រតិបត្តិការរបស់ទីក្រុង នឹងដំណើរការក្រោមការគ្រប់គ្រងការបិទខ្ទប់ ឬឱ្យបុគ្គលិករបស់ពួកគេធ្វើការពីផ្ទះ។
ទន្ទឹមនឹងនេះ សេវាកម្មរួមមានឡានក្រុង រថភ្លើងក្រោមដី សាឡាង តាក់ស៊ី នឹងត្រូវផ្អាកនៅក្នុងតំបន់ដែលស្ថិតនៅក្រោមការគ្រប់គ្រងការបិទខ្ទប់ ។
កាលពីថ្ងៃអាទិត្យ ទីក្រុងសៀងហៃបានចុះបញ្ជីករណីដែលបានបញ្ជាក់ក្នុងស្រុកថ្មីចំនួន ៥០ និងអ្នកឆ្លងក្នុងតំបន់សរុបចំនួន ៣,៤៥០៕
.PNG?1713924793)
.PNG?1713846720)
