ចូ បៃដិន ទៅអឺរ៉ុបដើម្បីពង្រឹងសម្ព័ន្ធមិត្តលោកខាងលិច

ក្រុងប្រ៊ុចសែល៖ ប្រធានាធិបតីអាម៉េរិកលោក Joe Biden បានទៅដល់អឺរ៉ុបកាលនៅថ្ងៃទី ២៣ មីនា ដើម្បីពង្រឹងការរួបរួមលោកខាងលិច និង បង្កើនការដាក់ទណ្ឌកម្មដែលមិនធ្លាប់មានពីមុនមកប្រឆាំងនឹងរុស្ស៊ី ជុំវិញការលុកលុយរបស់ខ្លួនលើអ៊ុយក្រែន។

លោក Biden បានប្រាប់សារព័ត៌មាននៅឯសេតវិមានថា គាត់មើលឃើញ "ការគំរាមកំហែងពិតប្រាកដ" នៃសង្គ្រាមគីមីរបស់រុស្ស៊ីប្រឆាំងនឹងអ៊ុយក្រែន ជាមួយនឹងការពង្រីកអំណាចកងទ័ពរុស្សីកាន់តែខ្លាំងឡើងៗ លទ្ធភាពដែលប្រធានាធិបតីវ្ល៉ាឌីមៀ ពូទីន អាចបញ្ជាឱ្យមានការវាយប្រហារនុយក្លេអ៊ែរគីមី ជីវសាស្ត្រ ឬសូម្បីតែយុទ្ធសាស្ត្រ ដើម្បីបង្ក្រាបអ៊ុយក្រែន នឹងក្លាយជាសេណារីយ៉ូដ៏អាក្រក់មួយដែលត្រូវបានពិភាក្សានៅឯកិច្ចប្រជុំកំពូល NATO, G7 និង EU នៅទីក្រុងប្រ៊ុចសែល នៅថ្ងៃព្រហស្បតិ៍នេះ។

លោក Biden ដែលគ្រោងនឹងធ្វើសន្និសីទសារព័ត៌មាននៅទីស្នាក់ការអង្គការណាតូនៅថ្ងៃព្រហស្បតិ៍នេះ នឹងហោះហើរថ្ងៃសុក្រទៅកាន់ប្រទេសប៉ូឡូញ ដែលជាប្រទេសជិតខាងអ៊ុយក្រែន ខណៈនៅថ្ងៃសៅរ៍ លោកបានជួបប្រធានាធិបតី Andrzej Duda មុនពេលត្រឡប់ទៅទីក្រុងវ៉ាស៊ីនតោនវិញ៕