ជប៉ុនប្រកាសអាសន្នពីការខ្វះខាតថាមពលដោយសារគ្រោះរញ្ជួយដី

ជប៉ុន៖ ជប៉ុនប្រកាសអាសន្ននៃការដាច់ថាមពល ដោយសារគ្រោះរញ្ជួយដីនៅជិតទីក្រុងហ្វូគូស៊ីម៉ា ធ្វើឲ្យដាច់ថាមពលនៅក្នុងរោងចក្រជាច្រើន។ ដោយគួបផ្សំកាលពីសប្តាហ៍មុនតម្រូវការកំដៅ និងអគ្គិសនីដ៏ច្រើនដោយសារភ្លៀងធ្លាក់ខ្លាំង រដ្ឋាភិបាលជប៉ុនបានបញ្ជូនអគ្គិសនី ទៅកាន់រដ្ឋធានីតូក្យូ និងកន្លែងផ្សេងទៀត ធ្វើឲ្យជប៉ុនបានជូនដំណឹងអំពីភាពតានតឹង នៃការផ្គត់ផ្គង់ថាមពល និង អំពាវនាវដល់សាធារណជនឱ្យសន្សំសំចៃអគ្គិសនី។

យោងតាមការប៉ាន់ប្រមាណរបស់ក្រសួងសេដ្ឋកិច្ច ពាណិជ្ជកម្ម និងឧស្សាហកម្មរបស់ប្រទេសជប៉ុន និងក្រុមហ៊ុនថាមពលអគ្គិសនីតូក្យូ និងខេត្តចំនួន ១៥ ពីកណ្តាលទៅភាគឦសានប្រទេសជប៉ុនបានប្រឈមមុខនឹងការខ្វះខាតថាមពលនៅថ្ងៃទី ២២ ។ ប្រសិនបើវិធានការសន្សំសំចៃថាមពលគ្រប់គ្រាន់មិនត្រូវបានអនុវត្ត កន្លែងទាំងនេះ អាចបាត់បង់ថាមពលចាប់ពីយប់នោះ ដែលប៉ះពាល់ដល់អតិថិជនពី ២ ទៅ ៣ លាននាក់ដែលបម្រើដោយក្រុមហ៊ុន Tokyo Electric Power និងក្រុមហ៊ុនថាមពលអគ្គិសនី តូហូគូ ។

ការរញ្ជួយដីកម្រិត ៧.៤ រ៉ិចទ័រ បានកើតឡើងនៅក្នុងដែនទឹកក្បែរទីក្រុង ហ្វូគូស៊ីម៉ា កាលពីថ្ងៃទី ១៦ ដែលបានបណ្តាលឱ្យខូចខាតដល់រោងចក្រថាមពលកំដៅសរុបចំនួន ៦ នៅក្រោមក្រុមហ៊ុន ថាមពលតូក្យូ និងក្រុមហ៊ុន តូហូគូ ។

រដ្ឋមន្ត្រីក្រសួងសេដ្ឋកិច្ច ពាណិជ្ជកម្ម និងឧស្សាហកម្ម លោក Koichi Hagiuda បាននិយាយថា រោងចក្រថាមពលកំដៅដែលរងការខូចខាតមួយចំនួន ប្រហែលជាមិនអាចដំណើរការឡើងវិញបានឡើយ សម្រាប់សប្តាហ៍ ឬរាប់ខែ។

យោងតាមសារព័ត៌មាន Kyodo News នេះគឺជាបញ្ហាផ្គត់ផ្គង់ថាមពលរយៈពេលខ្លីដ៏ធ្ងន់ធ្ងរបំផុតដែលក្រុមហ៊ុនថាមពលតូក្យូប្រឈមមុខចាប់តាំងពីការរញ្ជួយដី "៣.១១" ក្នុងឆ្នាំ ២០១១។

លោក Hagiuda Koichi បានអំពាវនាវដល់ប្រជាពលរដ្ឋ និងអាជីវកម្មនានា ឱ្យចាត់វិធានការផ្សេងៗ ដើម្បីកាត់បន្ថយការប្រើប្រាស់អគ្គិសនី រួមទាំងការបិទភ្លើងដែលមិនចាំបាច់ ការបិទសីម៉ាស៊ីនត្រជាក់។

នាយករដ្ឋមន្រ្តីជប៉ុនលោក Fumio Kishida ក៏បានអំពាវនាវដល់សាធារណជនឱ្យសន្សំសំចៃអគ្គិសនីឱ្យបានច្រើនតាមតែអាចធ្វើទៅបានតាមរយៈប្រព័ន្ធផ្សព្វផ្សាយសង្គមផងដែរ៕