អ៊ុយក្រែនបើកចំហសម្រាប់ការពិភាក្សាអំពីគំរូមិនមែនណាតូ

អ៊ុយក្រែន៖ អ៊ុយក្រែននឹងបើកចំហសម្រាប់ការពិភាក្សាអំពីគំរូមិនមែនណាតូ ជំនួសឱ្យការទទូចលើការស្នើសុំសមាជិកភាពណាតូ។ នេះបើយោងតាមសមាជិកនៃគណៈប្រតិភូអ៊ុយក្រែនសម្រាប់ការចរចាជាមួយរុស្ស៊ី។

លោក David Arakhamia អ្នកចរចាអ៊ុយក្រែន និងក៏ជាប្រធានសភានៃក្រុមអ្នកបម្រើប្រជាជនដែលកំពុងកាន់អំណាចនៅអ៊ុយក្រែនបាននិយាយកាលពីថ្ងៃសៅរ៍ថា សមាជិកអង្គការណាតូមិនទាន់ត្រៀមខ្លួនរួចរាល់ ដើម្បីពិភាក្សាអំពីសមាជិកភាពរបស់អ៊ុយក្រែនសម្រាប់រយៈពេល ៥ ទៅ ១០ ឆ្នាំខាងមុខនោះទេ។

លោកបាននិយាយថា អ៊ុយក្រែនបើកចំហ ដើម្បីពិភាក្សាអំពីគំរូមួយចំនួន ដែលមិនមែនជាអង្គការណាតូជាមួយនឹងដៃគូទូលំទូលាយ មិនត្រឹមតែជាមួយរុស្ស៊ីប៉ុណ្ណោះទេ។

ទាក់ទងនឹងការចរចាអ៊ុយក្រែន-រុស្ស៊ី លោក Arakhamia បាននិយាយថា ភាគីទាំងពីរកំពុងស្តាប់គ្នាទៅវិញទៅមក ហើយអាចមានការពិភាក្សាយ៉ាងសកម្ម។ លោកបានបន្តថា ផ្នែកតែមួយគត់ដែលអ៊ុយក្រែនមិនអាចយល់ស្របជាមួយរុស្ស៊ីគឺ អំពីតំបន់គ្រីមៀ និងការទទួលស្គាល់ឯករាជ្យភាពរបស់ Luhansk និង Donetsk ។

អ៊ុយក្រែន និងរុស្ស៊ីបានរៀបចំកិច្ចចរចាពីរលើកមុននៅថ្ងៃទី ២៨ ខែកុម្ភៈ និងថ្ងៃទី ៣ ខែមីនា។ ខណៈការចរចាជុំទី៣ នឹងធ្វើឡើងនៅថ្ងៃចន្ទនេះ៕អ៊ុយក្រែនបើកចំហសម្រាប់ការពិភាក្សាអំពីគំរូមិនមែនណាតូ

អ៊ុយក្រែន៖ អ៊ុយក្រែននឹងបើកចំហសម្រាប់ការពិភាក្សាអំពីគំរូមិនមែនណាតូ ជំនួសឱ្យការទទូចលើការស្នើសុំសមាជិកភាពណាតូ។ នេះបើយោងតាមសមាជិកនៃគណៈប្រតិភូអ៊ុយក្រែនសម្រាប់ការចរចាជាមួយរុស្ស៊ី។

លោក David Arakhamia អ្នកចរចាអ៊ុយក្រែន និងក៏ជាប្រធានសភានៃក្រុមអ្នកបម្រើប្រជាជនដែលកំពុងកាន់អំណាចនៅអ៊ុយក្រែនបាននិយាយកាលពីថ្ងៃសៅរ៍ថា សមាជិកអង្គការណាតូមិនទាន់ត្រៀមខ្លួនរួចរាល់ ដើម្បីពិភាក្សាអំពីសមាជិកភាពរបស់អ៊ុយក្រែនសម្រាប់រយៈពេល ៥ ទៅ ១០ ឆ្នាំខាងមុខនោះទេ។

លោកបាននិយាយថា អ៊ុយក្រែនបើកចំហ ដើម្បីពិភាក្សាអំពីគំរូមួយចំនួន ដែលមិនមែនជាអង្គការណាតូជាមួយនឹងដៃគូទូលំទូលាយ មិនត្រឹមតែជាមួយរុស្ស៊ីប៉ុណ្ណោះទេ។

ទាក់ទងនឹងការចរចាអ៊ុយក្រែន-រុស្ស៊ី លោក Arakhamia បាននិយាយថា ភាគីទាំងពីរកំពុងស្តាប់គ្នាទៅវិញទៅមក ហើយអាចមានការពិភាក្សាយ៉ាងសកម្ម។ លោកបានបន្តថា ផ្នែកតែមួយគត់ដែលអ៊ុយក្រែនមិនអាចយល់ស្របជាមួយរុស្ស៊ីគឺ អំពីតំបន់គ្រីមៀ និងការទទួលស្គាល់ឯករាជ្យភាពរបស់ Luhansk និង Donetsk ។

អ៊ុយក្រែន និងរុស្ស៊ីបានរៀបចំកិច្ចចរចាពីរលើកមុននៅថ្ងៃទី ២៨ ខែកុម្ភៈ និងថ្ងៃទី ៣ ខែមីនា។ ខណៈការចរចាជុំទី៣ នឹងធ្វើឡើងនៅថ្ងៃចន្ទនេះ៕