Yearendyearend1140x150

រុស្ស៊ីបានបំផ្លាញហេដ្ឋារចនាសម្ព័ន្ធយោធាអ៊ុយក្រែនចំនួន ១.៦១២ គ្រឿង

អន្តរជាតិ
/
អ្នកយកព័ត៌មាន:
លី​ ម៉ាលីង
/
រុស្ស៊ីបានបំផ្លាញហេដ្ឋារចនាសម្ព័ន្ធយោធាអ៊ុយក្រែនចំនួន ១.៦១២ គ្រឿង ប្រភពរូប៖ ស៊ីស៊ីធីវី

រុស្ស៊ី ៖ យោងតាមក្រសួងការពារជាតិរបស់ប្រទេសនេះ បាននិយាយកាលពីថ្ងៃព្រហស្បតិ៍ថា កងកម្លាំងប្រដាប់អាវុធរុស្ស៊ីបានបំផ្លាញវត្ថុហេដ្ឋារចនាសម្ព័ន្ធយោធាអ៊ុយក្រែនចំនួន ១.៦១២ គ្រឿង ចាប់តាំងពីការចាប់ផ្តើមប្រតិបត្តិការយោធានៅក្នុងប្រទេសអ៊ុយក្រែន។

គោលដៅដែលបានវាយប្រហាររួមមាន មជ្ឈមណ្ឌលបញ្ជាការ ប្រព័ន្ធមីស៊ីលប្រឆាំងយន្តហោះ និងស្ថានីយ៍រ៉ាដា ក៏ដូចជាយន្តហោះចម្បាំង រថក្រោះ រថពាសដែក យានយន្តយោធា និងកាំភ្លើងធំ។

ក្រសួងបាននិយាយមួយថ្ងៃមុននេះថា កងកម្លាំងរុស្ស៊ីបានទទួលការគ្រប់គ្រងពេញលេញលើ Kherson នៅភាគខាងត្បូងអ៊ុយក្រែន ទោះបីជាភាគីអ៊ុយក្រែនបានបដិសេធក៏ដោយ។

ភាគីរុស្ស៊ីបាននិយាយថា ហេដ្ឋារចនាសម្ព័ន្ធស៊ីវិល និងការដឹកជញ្ជូននៅក្នុងទីក្រុង គឺស្ថិតនៅក្រោមប្រតិបត្តិការធម្មតា ហើយថាមិនមានការខ្វះខាតស្បៀងអាហារ ឬតម្រូវការប្រចាំថ្ងៃនោះទេ។ អ្នកស្រុកនិយាយថា កងកម្លាំងរុស្ស៊ីអាចត្រូវបានគេមើលឃើញថា កំពុងដើរតាមដងផ្លូវ ខណៈដែលកងទ័ពអ៊ុយក្រែនមិនត្រូវបានគេឃើញនៅកន្លែងណាឡើយ។

ក្រសួងការពារជាតិរុស្ស៊ីក៏បាននិយាយផងដែរថា កងកម្លាំងប្រដាប់អាវុធនៃទីក្រុង Donetsk បានបន្ត ទៅមុខកាលពីថ្ងៃពុធ ក្រោមការជួយជ្រោមជ្រែងពីរុស្ស៊ី ហើយទីក្រុង Mariupol ត្រូវបានឡោមព័ទ្ធ។

កងកម្លាំងប្រដាប់អាវុធ Donetsk បានអះអាងថា ពួកគេបានទុកច្រករបៀងមនុស្សធម៌សម្រាប់ជនស៊ីវិលក្នុងតំបន់ ហើយបច្ចុប្បន្នកំពុងស្វែងរកការពិភាក្សាជាមួយកងទ័ពអ៊ុយក្រែនក្នុងការដាក់អាវុធរបស់ពួកគេ ហើយចាកចេញ។

របាយការណ៍ពីអគ្គសេនាធិការនៃកងកម្លាំងប្រដាប់អាវុធអ៊ុយក្រែនកាលពីថ្ងៃពុធបាននិយាយថា ប្រទេសរុស្ស៊ីបានបាញ់មីស៊ីលជាង ១៨០ គ្រាប់លើទឹកដីអ៊ុយក្រែន ដោយបានធ្វើឱ្យប៉ះពាល់ដល់ការចំណាយយ៉ាងធ្ងន់ធ្ងរលើសម្ភារៈយោធា និងហេដ្ឋារចនាសម្ព័ន្ធស៊ីវិលរបស់ប្រទេសអ៊ុយក្រែន៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង