អីរ៉ុង៖ មេដឹកនាំកំពូលរបស់អីរ៉ុង់ លោក Ayatollah Ali Khamenei បាននិយាយកាលពីថ្ងៃអង្គារថា សហរដ្ឋអាមេរិក គឺជាដើមហេតុនៃវិបត្តិបច្ចុប្បន្ននៅអ៊ុយក្រែន ហើយអ៊ុយក្រែនកំពុងក្លាយជាជនរងគ្រោះនៃគោលនយោបាយបង្កើតវិបត្តិរបស់សហរដ្ឋអាមេរិក។
លោក Khamenei បាននិយាយថា សហរដ្ឋអាមេរិកបានបង្កើតវិបត្តិនៅជុំវិញពិភពលោក ហើយវាគឺជាសហរដ្ឋអាមេរិកដែលបានរុញច្រានវិបត្តិអ៊ុយក្រែនដល់ស្ថានភាពបច្ចុប្បន្ន។ លោកបានសង្កត់ធ្ងន់ថា អ៊ីរ៉ង់ប្រឆាំងរាល់សកម្មភាពនៃសង្រ្គាម និងការបំផ្លិចបំផ្លាញ ដែលជាគោលនយោបាយស្របគ្នារបស់អ៊ីរ៉ង់។
លោក Khamenei បាននិយាយថា វិបត្តិអាចដោះស្រាយបានតែដោយដឹងពីឫសគល់។ មូលហេតុនៃវិបត្តិអ៊ុយក្រែន គឺជាគោលនយោបាយរបស់សហរដ្ឋអាមេរិក និងបណ្តាប្រទេសលោកខាងលិច" ។ លោកបន្តថា តម្លៃរបស់លោកខាងលិច គឺផ្អែកលើលុយ ហើយរបបអាមេរិកនៅតែបន្តបង្កើតវិបត្តិជុំវិញពិភពលោក រួមទាំងអាស៊ីខាងលិច និងអាហ្វ្រិកខាងជើង សុទ្ធតែពាក់ព័ន្ធនឹងសហរដ្ឋអាមេរិក។
លោក Khamenei បានបន្ថែមថា មេរៀនមួយក្នុងចំណោមមេរៀនដែលប្រជាជនគួរតែរៀនពីវិបត្តិអ៊ុយក្រែនគឺថា ការគាំទ្រពីមហាអំណាចលោកខាងលិច ដូចជាសហរដ្ឋអាមេរិក គឺជាការបំភាន់ និងមិនប្រាកដនិយម។
រដ្ឋាភិបាលដែលគាំទ្រដោយសហរដ្ឋអាមេរិក និងលោកខាងលិចគួរតែពិនិត្យមើលនូវអ្វីដែលកំពុងកើតឡើងនៅក្នុងប្រទេសអ៊ុយក្រែនឥឡូវនេះ និងអ្វីដែលបានកើតឡើងនៅក្នុងប្រទេសអាហ្វហ្គានីស្ថានពីមុន។ ប្រធានាធិបតីអ៊ុយក្រែន និងអតីតប្រធានាធិបតីអាហ្វហ្គានីស្ថានទាំងពីរបាននិយាយថា ពួកគេជឿជាក់លើសហរដ្ឋអាមេរិក ពួកគេជឿជាក់លើរដ្ឋាភិបាលលោកខាងលិច។ ប៉ុន្តែពួកគេត្រូវបានគេទុកចោលនៅទីបញ្ចប់៕
