ហុងកុង៖ អាជ្ញាធរសុខាភិបាលតំបន់រដ្ឋបាលពិសេសហុងកុង (SAR) បាននិយាយកាលពីថ្ងៃអាទិត្យថា ទីក្រុងនេះ បានរាយការណ៍ពីករណីឆ្លង កូវីដ១៩ ថ្មីចំនួន ២៦,០២៦ ក្នុងរយៈពេល ២៤ ម៉ោងកន្លងមក ដែលនាំឱ្យចំនួនសរុបដល់ ១៣៧,១៤៥ ករណី ។
មជ្ឈដ្ឋាននានានៅក្នុងតំបន់រដ្ឋបាលពិសេសហុងកុង របស់ប្រទេសចិនកំពុងធ្វើការរួមគ្នាដើម្បីទប់ស្កាត់ការកើនឡើងនៃការឆ្លងកូវីដ១៩ នៅក្នុងទីក្រុង។ ខណៈអ្នកអភិវឌ្ឍន៍ក្នុងស្រុកជាច្រើន បានស្ម័គ្រចិត្តផ្តល់ដីរបស់ពួកគេស ម្រាប់ការសាងសង់កន្លែងចត្តាឡីស័ក និងកន្លែងព្យាបាល ដែលជាការផ្លាស់ប្តូរមួយដែលបានចាក់បញ្ចូលកម្លាំងខ្លាំងក្នុងការប្រយុទ្ធប្រឆាំងនឹងការរីករាល។
ក្រុមហ៊ុន New World Development បានផ្តល់បន្ទប់សណ្ឋាគារចំនួន ៧០០ ជាកន្លែងធ្វើចត្តាឡីស័ក ហើយបានប្រែក្លាយមជ្ឈមណ្ឌលសន្និបាត និងពិព័រណ៍ហុងកុង ទៅជាកន្លែងសាកល្បង ឬប្រើប្រាស់សម្រាប់គោលបំណងផ្សេងទៀត។ ក្រុមហ៊ុន ក៏កំពុងពិចារណាផ្តល់កម្ចីដីសម្រាប់សាងសង់មន្ទីរពេទ្យបណ្ដោះអាសន្នបន្ថែមទៀត សម្រាប់អ្នកជំងឺកូវីដ-១៩។
ក្រុមហ៊ុន Henderson Land បានប្រកាសផ្តល់ជំនួយចំនួន 13 លានដុល្លារហុងកុង (ប្រហែល ១.៦៦ លានដុល្លារអាមេរិក) សម្រាប់ការទិញសម្ភារៈប្រឆាំងនឹងជំងឺរាតត្បាត ហើយបាននិយាយថា ខ្លួនត្រៀមផ្តល់ដីទំហំ ១៨៦,០០០ ម៉ែត្រការ៉េសម្រាប់សាងសង់មន្ទីរពេទ្យបណ្តោះអាសន្ន។
ក្រុមហ៊ុនចិនដីគោកបានបើក "បណ្តាញបៃតង" នៅស្ថានីយ៍ប្រេង និងហ្គាសរបស់ខ្លួនក្នុងទីក្រុងហុងកុង ដើម្បីផ្តល់សេវាកម្មរហ័ស និងសុវត្ថិភាពសម្រាប់តាក់ស៊ី និងយានជំនិះផ្សេងទៀត។ ក្រុមហ៊ុនបានផ្គត់ផ្គង់ប្រហែល ៦០ ភាគរយនៃតម្រូវការប្រេង និងឧស្ម័នសម្រាប់ទីក្រុងទាំងមូល និងបានផ្តល់ការគាំទ្រយ៉ាងរឹងមាំសម្រាប់ទីក្រុងហុងកុង ក្នុងការប្រយុទ្ធប្រឆាំងនឹងវីរុសនេះ។
Politihk Social Strategic បានអំពាវនាវឱ្យអ្នកស្រុកចូលរួមក្រុមស្ម័គ្រចិត្តដែលរៀបចំដោយពួកគេ និងចែកចាយឧបករណ៍ប្រឆាំងមេរោគដល់សមាជិកដទៃទៀត នៃសាធារណៈជននៅបន្ទប់សង្គ្រោះបន្ទាន់ មជ្ឈមណ្ឌលចាក់ថ្នាំបង្ការ និងកន្លែងធ្វើតេស្តចល័ត៕
