អាជ្ញាធរអាកាសចរណ៍អឺរ៉ុបណែនាំជាបន្ទាន់ឱ្យនៅឱ្យឆ្ងាយពីដែនអាកាសអ៊ុយក្រែន

អ៊ុយក្រែន៖ បន្ទាប់ពីប្រធានាធិបតីរុស្ស៊ី លោក វ្ល៉ាឌីមៀ ពូទីន បានប្រកាសពីប្រតិបត្តិការយោធានៅតំបន់ Donbas ភាគខាងកើតអ៊ុយក្រែន នៅថ្ងៃព្រហស្បតិ៍ (ទី២៤) ស្ថានភាពនៅក្នុងតំបន់ស្រាប់តែមានភាពតានតឹង។

អាជ្ញាធរអាកាសចរណ៍អឺរ៉ុប បានចេញសេចក្តីប្រកាសជាបន្ទាន់ដល់ក្រុមហ៊ុនអាកាសចរណ៍ និង ជើងហោះហើរស៊ីវិលផ្សេងទៀតឱ្យនៅឆ្ងាយពីដែនអាកាសអ៊ុយក្រែន។ នៅព្រឹកថ្ងៃដដែល អាជ្ញាធរអាកាសចរណ៍របស់ប្រទេសអ៊ុយក្រែន បានចេញសេចក្តីណែនាំអាកាសចរណ៍មួយ ដោយដាក់កម្រិតលើជើងហោះហើរស៊ីវិល មិនឲ្យហោះហើរក្នុងដែនអាកាសរបស់ប្រទេសនេះ ចាប់ពីព្រឹកថ្ងៃព្រហស្បតិ៍៕