Yearendyearend1140x150

សង្រ្គាមរវាងរុស្ស៊ីនិងអ៊ុយក្រែនបានផ្ទុះឡើង

អន្តរជាតិ
/
អ្នកយកព័ត៌មាន:
លី​ ម៉ាលីង
/
សង្រ្គាមរវាងរុស្ស៊ីនិងអ៊ុយក្រែនសង្រ្គាមបានផ្ទុះឡើង ប្រភពរូប៖ The Economic Times

Breaking News៖ រដ្ឋមន្ត្រីការបរទេសរបស់ទីក្រុងគៀវ បានប្រកាសថា សង្រ្គាមបានផ្ទុះឡើងរវាងរុស្ស៊ី និងអ៊ុយក្រែន បន្ទាប់ពីមានការផ្ទុះជាបន្តបន្ទាប់នៅទូទាំងប្រទេសមួយរំពេច ដោយទីក្រុងមូស្គូបានចេញបញ្ជាសម្រាប់ "ប្រតិបត្តិការពិសេស" នៅក្នុងតំបន់ Donbass ដែលបំបែកចេញ។

នៅក្នុងសេចក្តីថ្លែងការណ៍មួយដែលបានចេញផ្សាយនៅព្រឹកថ្ងៃព្រហស្បតិ៍នេះ លោក Dmitry Kuleba បាននិយាយថា ប្រធានាធិបតីរុស្ស៊ីលោក Vladimir Putin «ទើបតែបានបើកការវាយប្រហារពេញលេញលើអ៊ុយក្រែន»។

ការអត្ថាធិប្បាយរបស់លោក Dmitry Kuleba ធ្វើឡើងបន្ទាប់ពីលោក ពូទីន បានចុះហត្ថលេខាលើក្រឹត្យអនុញ្ញាតឱ្យប្រើប្រាស់កម្លាំងយោធា បន្ទាប់ពីការស្នើសុំការគាំទ្រពីមេដឹកនាំនៃតំបន់ Donetsk និង Lugansk ដែលផ្តាច់ខ្លួន។ លោកបន្តថា កាលៈទេសៈតម្រូវឱ្យចាត់វិធានការយ៉ាងម៉ឺងម៉ាត់ និងជាបន្ទាន់ នៅក្នុងសុន្ទរកថាតាមទូរទស្សន៍។

ការដំឡើងយោធាអ៊ុយក្រែនមួយចំនួនត្រូវបានគេជឿថា ត្រូវបានតម្រង់គោលដៅដោយការវាយប្រហារដោយមីស៊ីល ហើយមានរបាយការណ៍ពីចលនាទាហានរុស្ស៊ីទ្រង់ទ្រាយធំ។ ប្រធានាធិបតីរបស់ប្រទេសអ៊ុយក្រែន លោក Volodymyr Zelensky តាមសេចក្តីរាយការណ៍បានកោះប្រជុំក្រុមប្រឹក្សាសន្តិសុខ និងការពារជាតិ ហើយគេជឿថា ដែនអាកាសអ៊ុយក្រែន ត្រូវបានបិទ។

ការផ្ទុះត្រូវបានគេរាយការណ៍នៅក្នុងទីក្រុងនានា ដែលនៅជិតខ្សែទំនាក់ទំនង Donbass រួមទាំង Mariupol ដែលជាទីក្រុងកំពង់ផែដ៏សំខាន់មួយនៅក្នុងតំបន់ Donetsk ក៏ដូចជាកន្លែងផ្សេងទៀតផងដែរ។ នេះបើតាមអ្នកសារព័ត៌មាន CNN នៅទីក្រុង គៀវ បានរាយការណ៍ពីការផ្ទុះដែលបានកើតឡើង ខណៈដែលអ្នកផ្សេងទៀតត្រូវបានគេរាយការណ៍នៅក្នុង Odessa និង Kharkov ៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង