ទឹកជំនន់និងការបាក់ដីបានសម្លាប់មនុស្ស ១៧១ នាក់នៅប្រេស៊ីល

ប្រេស៊ីល៖ ចំនួនអ្នកស្លាប់បានកើនឡើងដល់ ១៧១ នាក់ ខណៈមនុស្ស ១២៦ នាក់ផ្សេងទៀតនៅតែបាត់ខ្លួន និងជិត ១០០០ នាក់គ្មានផ្ទះសម្បែង ដោយសារការបាក់ដី និងទឹកជំនន់នៅក្នុងប្រទេសប្រេស៊ីលកាលពីថ្ងៃអង្គារ។

ទោះបីជាអាជ្ញាធរក្នុងតំបន់បានដាក់ពង្រាយបុគ្គលិកជាង ៥០០ នាក់ក្នុងបេសកកម្មស្វែងរក និងជួយសង្គ្រោះក៏ដោយ ក៏តំបន់ជាច្រើននៅតែមិនអាចទៅដល់បាន ដោយសារកម្លាំងមនុស្សស្វែងរកមិនទាន់មានបុគ្គលិក និងភ្លៀងធ្លាក់ និងការបាក់ដីជាបន្តបន្ទាប់។

Gabriel អ្នកជួយសង្រ្គោះម្នាក់បាននិយាយថា «ការស្វែងរក និងជួយសង្គ្រោះអាចមានរយៈពេល ១៥ ថ្ងៃទៀត ប៉ុន្តែវាមិនប្រាកដទេ គឺអាស្រ័យលើអាកាសធាតុ។ ពេលខ្លះយើងត្រូវផ្អាក ដោយសារមានភ្លៀងធ្លាក់ខ្លាំង»។

ដោយធ្វើការនៅជួរមុខនៃការស្វែងរក Gabriel បានអំពាវនាវឱ្យអ្នកស្ម័គ្រចិត្តបន្ថែមទៀត ដើម្បីជួយសង្គ្រោះប្រជាជននៅក្នុងទីក្រុង និងផ្តល់ជំនួយបន្ថែមទៀតដល់ជនអនាថា៕