សម្ដេច ហ៊ុន សែននឹងចូលរួមសម្ពោធស្ពាន៧កន្លែងក្នុងខេត្តក្រចេះ និងព្រៃវែង ស្អែកនេះ

ភ្នំពេញ៖ សម្តេច ហ៊ុន សែន នាយករដ្ឋមន្ត្រីកម្ពុជា នឹងអញ្ជើញចូលរួមពិធីសម្ពោធឱ្យប្រើប្រាស់ជាផ្លូវការ ស្ពាន៧កន្លែងក្នុងខេត្តក្រចេះ និងព្រៃវែង តម្លៃ៣៥លានដុល្លារ ដែលជាជំនួយរដ្ឋាភិបាលជប៉ុន នៅថ្ងៃទី១៦កុម្ភៈ ស្អែកនេះ។

គម្រោងសាងសង់ស្ពានទាំង៧កន្លែង នៃគម្រោង​សាង​សង់​​ស្ពាន​ឡើង​វិញ​បន្ទាន់​នៅ​តំបន់​ប្រឈមនឹងទឹកជំនន់ ស្ថិតនៅទីតាំង​ភូមិសាស្រ្ត​ខេត្តក្រចេះ និងខេត្តព្រៃវែង​ ​​ដែល​ស្ពាន​មាន​ប្រវែងសរុប​ ៦៧០ម៉ែត្រ និងផ្លូវ​តភ្ជាប់​ស្ពាន​មាន​ប្រវែងសរុប​៣៤២៤ម៉ែត្រ​ ​សរុបទាំងស្ពាន និងផ្លូវ​មានប្រវែង ៤០៩៤ម៉ែត្រ៕