បាងកក៖ប្រជាជនបាងកករាប់រយនាក់ បាននាំគ្នាទៅទីសក្ការៈបូជា ដើម្បីបួងសួងសុំសំណាងល្អ ភាពចម្រុងចម្រើនអ្វីដែលសំខាន់បំផុត គឺការបួងសួងរកស្នេហាពិត។ទីសក្ការៈ ចាប់ផ្តើមមានការមមាញឹកតាំងពីថ្ងៃព្រហស្បតិ៍ សប្តាហ៍មុន ខណៈអ្នកគោរពបូជាបានបន់ស្រន់ដើម្បីស្វែងរកស្នេហានៅថ្ងៃ Valentine's Day ដែលត្រូវនឹងថ្ងៃច័ន្ទនេះ។
មនុស្សជាច្រើនថែមទាំងបានអះអាងថា អំណាចអាថ៌កំបាំងរបស់ទីសក្ខារៈ បានធានាដល់ស្នេហារវាងជនជាតិថៃ និងជនបរទេស។ ទីសក្ការៈមួយនេះ អាចមានមនុស្សច្រើននៅយប់ថ្ងៃព្រហស្បតិ៍ ដែលភ្ញៀវត្រូវតម្រង់ជួរសម្រាប់ផ្លាស់ប្តូរវេនបន់ស្រន់របស់ពួកគេ។
មុនពេល កូវិដ មកដល់ អ្នកថ្វាយបង្គំកាន់ផ្កាកុលាបក្រហម ចូលទីសក្ការបូជាគូស្នេហ៍ រៀងរាល់ថ្ងៃបុណ្យនៃសេចក្តីស្រលាញ់។ហ្វូងមនុស្សភាគច្រើនរួមមានស្ត្រីវ័យក្មេង ដោយលុតជង្គង់ នៅចំពោះព្រះនិងអធិស្ឋានដោយបិទភ្នែក។
គួរបញ្ជាក់ថា ទីសក្ការៈនេះសាងសង់ក្នុងឆ្នាំ ១៩៨៩ ទីសក្ការៈមានវេទិកាលើកកំពស់មួយជំរកដោយដំបូលដែលមានសសរចំនួនបួនជាមួយនឹងការឆ្លាក់យ៉ាងល្អិតល្អន់នៅសងខាងទាំងបួន។ រូបសំណាកមាសរបស់ Trimurti លេចឡើងជារូបកាយមនុស្សដែលមានក្បាលពីរ និងដៃបួន៕
