វៀតណាមបានបិទសាលារៀនចំនួន ៣៧ ដោយករណីឆ្លងកើនឡើង

វៀតណាម៖ ខេត្ត ហាទិញ បានបិទថ្នាក់រៀនទាំងអនឡាញ និងក្រៅបណ្តាញនៅក្នុងសាលារៀនចំនួន ៣៧ ចាប់ផ្តើមពីថ្ងៃពុធ ដោយមានករណីថ្មីរាប់រយ ត្រូវបានកត់ត្រាជារៀងរាល់ថ្ងៃ។

សាលារៀនដែលរួមមានសាលាមត្តេយ្យ សាលាបឋមសិក្សា និងអនុវិទ្យាល័យ ភាគច្រើនមានទីតាំងនៅស្រុកដែលមានហានិភ័យខ្ពស់នៃការឆ្លងនេះ។ នេះបើយោងតាមគណៈកម្មាធិការដឹកនាំសម្រាប់បង្ការ និងគ្រប់គ្រងជំងឺកូវីដ១៩ របស់ទីក្រុង ហាទិញ។

បន្ទាប់ពីបុណ្យ សិស្សក្នុងខេត្តបានចាប់ផ្តើមត្រឡប់ទៅសាលាវិញកាលពីថ្ងៃចន្ទមុន។ គិតត្រឹមថ្ងៃពុធនេះ គ្រូបង្រៀនចំនួន ៥០ នាក់ និងសិស្សចំនួន ៣៣១នាក់នៅក្នុងខេត្តបានធ្វើតេស្តវិជ្ជមានកូវីដ១៩។ដោយសារការកើនឡើងនៃការឆ្លងក្នុងចំណោមគ្រូ និងសិស្សដែលត្រូវការការព្យាបាល សាលារៀនចំនួន ៣៧ ដែលមានសិស្សប្រហែល ១៨,៣៤៨ ត្រូវផ្អាកសកម្មភាពសិក្សាទាំងអស់ ទាំងអនឡាញ និងក្រៅបណ្តាញ។ អាជ្ញាធរបាននិយាយថា ពួកគេនឹងបើកឡើងវិញនៅពេលក្រោយ អាស្រ័យលើស្ថានភាពនៃករណីឆ្លង។

ក្រៅពីសាលាដែលបានរៀបរាប់ខាងលើ សាលាចំនួន ២១ នាក់ផ្សេងទៀតដែលមានសិស្សចំនួន ១៣,០៥៣ នាក់ត្រូវប្តូរទៅថ្នាក់រៀនតាមអ៊ីនធឺណិត ដោយសារករណីមួយចំនួនតូច។

ខេត្ត ហាទិញ មានសាលារៀនប្រហែល ៦៧០ ដែលមានគ្រូបង្រៀន ៣៥០,០០០ នាក់។ សិស្សត្រូវបានអនុញ្ញាតឱ្យចូលរួមថ្នាក់ផ្ទាល់ខ្លួនសូម្បីតែមុនថ្ងៃបុណ្យ។ ខណៈខេត្តនេះ ត្រូវបានចាត់ថ្នាក់ជាខេត្តដែលមានហានិភ័យមធ្យមនាពេលនេះ។

នៅទូទាំងប្រទេសវៀតណាម តំបន់មួយចំនួនបានសង្កេតឃើញការកើនឡើងនៃការឆ្លងក្នុងចំណោមគ្រូ និងសិស្សបន្ទាប់ពីបុណ្យ។ យ៉ាងណាក៏ដោយ ក្រសួងអប់រំ និងបណ្ដុះបណ្ដាលនៅមិនទាន់ប្រកាសជាផ្លូវការនៅឡើយទេ៕