Cc time
Cct850x100 1
Itt 0  web banner

កម្ពុជា-ចិនរួមគ្នាបង្ក្រាបគ្រឿងញៀនបាន ២,៩៥ តោនជាប្រាក់២៤២លានដុល្លារឆ្នាំ២០២១

ព័ត៌មានជាតិ
/
អ្នកយកព័ត៌មាន:
ស៊ីស៊ីថាមស៍
/

ភ្នំពេញ៖ ពេលមួយឆ្នាំ២០២១ ប្រទេសកម្ពុជា និងចិន បានសហការរួមគ្នាបង្ក្រាប និងរឹបអូសបានថ្នាំញៀនចំនួន ២,៩៥ តោន ដែលមានតម្លៃទីផ្សារជិត ១៧០០លានយន់ គិតជាប្រាក់ដុល្លារប្រហែល២៤២លានដុល្លារអាម៉េរិក។នេះបើយោងតាមរបាយការណ៍របស់ការិយាល័យបង្រ្កាប គ្រឿងញៀននៃក្រសួងសន្តិសុខសាធារណៈចិន។

យោងតាមរបាយការណ៍ បានគូសបញ្ជាក់ថា នៅចុងឆ្នាំ២០២១កន្លងទៅនេះ ការិយាល័យបង្រ្កាបគ្រឿងញៀននៃក្រសួងសន្តិសុខសាធារណៈនៃប្រទេសចិន និងកម្ពុជា បានបង្រ្កាបជាបន្តបន្ទាប់នូវករណីធំៗជាច្រើនដែលទាក់ទងនឹងការផលិត និង ការជួញដូរគ្រឿងញៀនឆ្លងដែន។

ក្នុងប្រតិបត្តការនោះ ភាគីទាំងពីរ បានបង្ក្រាបរោងចក្រផលិតគ្រឿងញៀនទ្រង់ទ្រាយធំមួយក្នុងប្រទេសកម្ពុជា ចាប់ខ្លួនជនសង្ស័យចំនួន ៤៦ នាក់ និងរឹបអូសបានថ្នាំញៀនចំនួន២,៩៥ តោន ដែលមានតម្លៃទីផ្សារជិត ១៧០០លានយន់គិតជាប្រាក់ដុល្លារប្រហែល២៤២លានដុល្លារ។

លោក Liang Yun ប្រធានការិយាល័យបង្ក្រាបគ្រឿងញៀននៃក្រសួងសន្តិសុខសាធារណៈនៃប្រទេសចិន បានអោយដឹងថា៖នៅក្នុងឆ្នាំ ២០២១នេះ នៅទូទាំងប្រទេសចិន បានបង្ក្រាបបទល្មើសគ្រឿងញៀនសរុបចំនួន ៥៤០០០ករណី និង ចាប់ខ្លួនជនសង្ស័យបានជាង ៧៧០០០នាក់ រឹបអូសគ្រឿងញៀនចំនួន ២៧តោន ជាពិសេស ការបង្រ្កាបគ្រឿងញៀនរួមគ្នាជាមួយកម្ពុជា កាលពីចុងឆ្នាំ២០២១កន្លងទៅថ្មីៗនេះ។

គួរបញ្ជាក់ថា បន្ទាប់ពីទទួលបានព័ត៌មានពីប៉ូលិសនៃប្រទេសចិន ប៉ូលីសកម្ពុជា បានស្រាវជ្រាវបង្ក្រាប់ដោយជោគជ័យនូវក្រុមជួញដូរគ្រឿងញៀនដ៏ធំមួយកាលពីថ្ងៃទី១២ ខែធ្នូ ឆ្នាំ២០២១ និង រឹបអូសបានវត្ថុធាតុដើមផលិតគ្រឿងញៀនចំនួន ៨៤តោន និងម្សៅ K ចំនួនជាង២តោន។ក្នុងនោះមេក្លោងជនជាតិចិនចំនួន ៤ នាក់ត្រូវបានចាប់ខ្លួនក្នុងករណីនេះ ដោយក្នុងនោះមេក្លោងម្នាក់ត្រូវបានស្លាប់ក្នុងពេលបង្រ្កាប។

ករណីខាងលើនេះ កាលពីថ្ងៃទី២៤ ខែធ្នូ ឆ្នាំ២០២១ ប៉ូលិសចិននិងកម្ពុជា បានចាប់ខ្លួនជនសង្ស័យជនជាតិចិនចំនួន៩នាក់ នៅក្នុងភោជនីយដ្ឋានចិនមួយកន្លែង និងផ្ទះវីឡាមួយនៅក្នុងរាជធានីភ្នំពេញ ដោយរួមមានមេក្លោងម្នាក់ត្រកូល Huang ដែលមានអាយុ៥៨ឆ្នាំផងដែរ។ក្នុងប្រតិបត្តិការនេះ សមត្ថកិច្ចបានរឹបអូសបានថ្នាំញៀនចំនួន ៣៤៧គីឡូក្រាម ថ្នាំញៀនត្រូវបានលាក់ទុកក្នុងបំពង់ដែក ហើយគ្រោងរត់ពន្ធទៅកាន់ប្រទេសទី៣ តាមច្រកកំពង់ផែព្រះសីហនុ៕

Khcct banner

អត្ថបទទាក់ទង