Eqm5 on ads news
Photo 2022 10 27 15.04.39
Photo 2022 10 27 10.25.28
Jetour
Cct 01
Website cc time banner

អ្នកស្លាប់ដោយសារអូមីក្រុងនៅប្រទេសថៃកើនដល់២នាក់

អន្តរជាតិ
/
អ្នកយកព័ត៌មាន:
លី ម៉ាលីង
/
អ្នកស្លាប់ដោយសារអូមីក្រុងនៅប្រទេសថៃកើនដល់២នាក់ ប្រភពរូប៖ The Nation Thailand

ថៃ៖ យោងតាមមជ្ឈមណ្ឌលគ្រប់គ្រងស្ថានការណ៍កូវីដ១៩ថៃ (CCSA) បានប្រកាសនៅថ្ងៃចន្ទថា ស្ត្រីអាយុ ៨៤ ឆ្នាំម្នាក់នៅ ឧដុន ថានី បានស្លាប់ដោយសារអូមីក្រុង កាលពីល្ងាចថ្ងៃសៅរ៍ ដោយក្លាយជាអ្នកជំងឺអូមីក្រុងទី ២ ដែលបានស្លាប់នៅក្នុងប្រទេសថៃ។

ស្ត្រីដែលរស់នៅក្នុងស្រុក ខាត ឆាប នៃខេត្ត ឧដុន ថានី ស្ថិតក្នុងដំណាក់កាលចុងក្រោយនៃជំងឺមហារីកសួត ហើយបានភ្ជាប់ជាមួយម៉ាស៊ីនអុកស៊ីសែនដែលមានលំហូរខ្ពស់។ គាត់បានធ្វើតេស្តវិជ្ជមានអូមីក្រុង កាលពីថ្ងៃទី ១០ ខែមករា ហើយត្រូវបានគេជឿថា បានឆ្លងពីកូនប្រុសរបស់គាត់។

CCSA បាននិយាយថា គាត់មិនមានគ្រុនក្តៅទេ ហើយការដកដង្ហើមរបស់គាត់មិនមានការពិបាកដែរ ចាប់ពីថ្ងៃទី ១០ ដល់ថ្ងៃទី ១៤ ខែមករា។ តែនៅថ្ងៃសៅរ៍ កម្រិតអុកស៊ីសែនរបស់គាត់បានធ្លាក់ចុះដល់ទៅ ៧៦ ភាគរយ ហើយគាត់ចាប់ផ្ដើមដកដង្ហើមដង្ហក់។ តែគ្រួសាររបស់គាត់បានជ្រើសរើសមិនបញ្ជូនគាត់ចូលមន្ទីរពេទ្យ ហើយគាត់ត្រូវបានគេប្រកាសថា បានស្លាប់នៅម៉ោង ៧ និង ៤៥នាទី យប់។

សូមបញ្ជាក់ថា ជនរងគ្រោះដោយសារអូមីក្រុង ដំបូងរបស់ប្រទេសថៃ គឺជាអ្នកជំងឺ Alzheimer អាយុ ៨៦ ឆ្នាំ ដែលដេកលើគ្រែក្នុងទីក្រុង សង់ក្លា ដែលបានស្លាប់កាលពីថ្ងៃទី ១២ខែមករា៕

ផ្ទាំងពាណិជ្ជកម្ម
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង