អ្នកវិទ្យាសាស្ត្រកាណាដារកឃើញវីរុសអូមីក្រុងនៅក្នុងទឹកសំណល់

កាណាដា៖ អ្នកវិទ្យាសាស្ត្រនៅទីក្រុង Nova Scotia ប្រទេសកាណាដា បាននិយាយថា ពួកគេបានចាប់ផ្តើមរកឃើញអូមីក្រុង នៅក្នុងទឹកសំណល់ក្នុងតំបន់ មុនពេលវាត្រូវបានរកឃើញជាផ្លូវការនៅអាហ្វ្រិកខាងត្បូងនៅចុងខែវិច្ឆិកា។

កាលពីសប្តាហ៍មុន សាស្រ្តាចារ្យ Graham Gagnon នាយកមជ្ឈមណ្ឌលនៃសាកលវិទ្យាល័យDalhousie សម្រាប់ការសិក្សាធនធានទឹកនៅ Nova Scotia បានប្រាប់ CBC ថា ពួកគេបានរកឃើញ វីរុស អូមីក្រុង នៅក្នុងសំណាកទឹកសំណល់តាំងពីដើមខែវិច្ឆិកា។

ករណីទាំងនេះត្រូវបានបញ្ជាក់ថា វាជាវីរុសអូមីក្រុងនៅថ្ងៃទី ១៣ ខែធ្នូ តែវាត្រូវបានកំណត់អត្តសញ្ញាណជាផ្លូវការនៅអាហ្វ្រិកខាងត្បូងនៅចុងខែវិច្ឆិកា។ នាយកស្រាវជ្រាវបាននិយាយថា គាត់មានការភ្ញាក់ផ្អើលក្នុងការរកឃើញវីរុសនៅក្នុងខែវិច្ឆិកា ដោយសារតែសិស្សនៅឯលំនៅដ្ឋានត្រូវបានចាក់វ៉ាក់សាំងទាំងអស់ ហើយអ្នកដែលធ្វើតេស្តបានផ្តល់លទ្ធផលអវិជ្ជមាន។

អ្នកស្រាវជ្រាវ Dalhousie បាននឹងកំពុងធ្វើតេស្តទឹកសំណល់សម្រាប់សញ្ញានៃវីរុសនេះ ចាប់តាំងពីខែធ្នូ ឆ្នាំ ២០២០ នៅឯរោងចក្រប្រព្រឹត្តិកម្មទឹកសំណល់សំខាន់ៗចំនួន ៤ នៅ Halifax និងលំនៅដ្ឋានសិស្សចំនួន ៥ នៅបរិវេណសាលា Dalhousie ។

វីរុសកូវីដ១៩ អាចរស់នៅបានយូរនៅក្នុងក្រពះពោះវៀនជាងក្នុងផ្លូវដង្ហើម ទោះបីជាវា ជាមេរោគផ្លូវដង្ហើមក៏ដោយ។ ដូច្នេះ ការធ្វើតេស្តទឹកសំណល់អាចជាឧបករណ៍ដ៏មានប្រយោជន៍ សម្រាប់តាមដានអត្រាប្រេវ៉ាឡង់របស់វា។

ប្រទេសកាណាដា បានបំបែកកំណត់ត្រាដោយមានករណី កូវីដ១៩ប្រចាំថ្ងៃចំនួន ១,៣៥ លានករណី៕