ប៉ារីស៖ ប្រជាពលរដ្ឋប្រទេសបារាំងជាង១០ម៉ឺនាក់ នៅថ្ងៃទី ៨ មករា បានចុះផ្លូវតវ៉ាប្រឆាំងផែនការរបស់រដ្ឋាភិបាលបារាំងក្នុងការរឹតបន្តឹងបន្ថែមទៀតនូវសិទ្ធិរបស់អ្នកដែលមិនបានចាក់វ៉ាក់សាំង ប៉ុន្មានថ្ងៃបន្ទាប់ពីប្រធានាធិបតីបារាំង Emmanuel Macron បានប្តេជ្ញាថានឹង "ច្រានចោល" អ្នកដែលមិនព្រមចាក់វ៉ាក់សាំង។
សភាជាន់ទាបរបស់ប្រទេសបារាំង បានអនុម័តសេចក្តីព្រាងច្បាប់ដ៏ចម្រូងចម្រាសក្នុងការរឹតបន្ទឹងលើប្រជាពលរដ្ឋបារាំងដែលមិនព្រមចាក់វ៉ាក់សាំងតាមការអំពាវនាវរបស់រដ្ឋាភិបាល។ច្បាប់ថ្មីនេះអាចនឹងត្រូវបានអនុវត្តនៅខែមករានេះ ទោះបីជាសមាជិកសភានៅក្នុងព្រឹទ្ធសភាអាចពន្យារពេលដំណើរការក៏ដោយ។
មនុស្សចំនួន ១០៥,២០០នាក់ បានចូលរួមក្នុងការតវ៉ា កាលពីថ្ងៃសៅរ៍នៅទូទាំងប្រទេសបារាំង ក្នុងនោះ១៨,០០ នាក់នៅក្នុងរដ្ឋធានីប៉ារីស ជាកន្លែងដែលប៉ូលិសបានរាយការណ៍ថាមានការចាប់ខ្លួនចំនួន ១០ នាក់ និងមន្ត្រីបីនាក់បានរងរបួសស្រាល ខណៈនៅកន្លែងផ្សេងទៀតមានការចាប់ខ្លួនមនុស្ស ២៤ នាក់ និងមន្ត្រីប៉ូលិស ៧ នាក់បានរងរបួសស្រាល។
ក្នុងចំណោមបាតុកម្មធំជាងនេះ បាតុករប្រហែល ៦០០០ នាក់បានចេញមកក្រៅនៅទីក្រុង Toulon ខណៈដែលប៉ូលិសនៅទីក្រុង Montpellier បានប្រើឧស្ម័នបង្ហូរទឹកភ្នែកអំឡុងពេលប៉ះទង្គិចជាមួយបាតុករ។
គួរបញ្ជាក់ថា ប្រទេសបារាំងបានកត់ត្រាករណីឆ្លងវីរុសថ្មីចំនួន ៣០៣.៦៦៩ នៅថ្ងៃសៅរ៍ចំពេលមានសម្ពាធកាន់តែខ្លាំងឡើងលើមន្ទីរពេទ្យ។ក្រុមបាតុករនៅទីក្រុងប៉ារីស ដែលពួកគេភាគច្រើនមិនបញ្ចេញមុខ បានក្លាហានប្រឆាំងនឹងផ្ទាំងប៉ាណូដែលមានភាពត្រជាក់ និងភ្លៀង ដែលសរសេរដោយពាក្យថា "ការពិត" និង "ទេចំពោះការចាក់វ៉ាក់សាំង" ៕
