វៀតណាម៖ បុរសជនជាតិវៀតណាមម្នាក់នៅទីក្រុង Dak Lak ត្រូវបានចាប់ខ្លួនកាលពីថ្ងៃពុធ បន្ទាប់ពីសម្របសម្រួលគណនីហ្វេសប៊ុកជាង ៤០០ ដើម្បីលួចលុយជាង ១០ ពាន់លានដុង (៤៣៨,៦៥៧ ដុល្លារ)។
ជនសង្ស័យឈ្មោះ Pham Vu Quang Truong អាយុ 20 ឆ្នាំត្រូវបានប៉ូលីសនៃខេត្ត Dak Lak បានចាប់ខ្លួន ដើម្បីស៊ើបអង្កេតពីបទ«ទទួលបានទ្រព្យសម្បត្តិដោយការក្លែងបន្លំ»។ នៅក្នុងការឆែកឆេរលំនៅដ្ឋានរបស់លោក Truong បានបង្ហាញជាសាច់ប្រាក់ជាង ៦០០លានដុង កាត ATM ចំនួន៩ ទូរស័ព្ទ និងកុំព្យូទ័រមួយចំនួន និងភស្តុតាងផ្សេងទៀត។
នៅខែតុលា ឆ្នាំ ២០២១ ប៉ូលីសបានទទួលពាក្យបណ្តឹង ពីស្ត្រីម្នាក់នៅស្រុក អ៊ាខា ដោយនិយាយថានាងបានទទួលសារពីគណនីហ្វេសប៊ុករបស់សាច់ញាតិនាងដើម្បីសុំលុយ។ នាងបានផ្ញើប្រាក់ប្រហែល ៣០ លានដុង ប៉ុន្តែក្រោយមកបានរកឃើញថា នាងត្រូវបានគេបោកប្រាស់ ហើយគណនីហ្វេសប៊ុកនោះ ត្រូវបានគេសម្របសម្រួលរួចហើយ។
ការស៊ើបអង្កេតបានបង្ហាញថា បុរសជនសង្ស័យបានសារភាពថា ខ្លួនបានរៀននៅលើអ៊ីនធឺណិតអំពីសេវាកម្មហ្វេសប៊ុក ដូចជាការផ្សាយពាណិជ្ជកម្ម ឬការដោះពាក្យសម្ងាត់។
បន្ទាប់មកបុរសជនសង្ស័យរូបនេះ បានយកគណនីអតិថិជនដែលត្រូវការសេវាទាំងនោះ ប៉ុន្តែបានលួចយកព័ត៌មានផ្ទាល់ខ្លួនរបស់ពួកគេ ហើយលួចចូលគណនីហ្វេសប៊ុក រួចប្រើវាដើម្បីបោកប្រាស់លុយរបស់ពួកគេ។
ប៉ូលីសបាននិយាយថា ជនសង្ស័យ បានសម្របសម្រួលគណនីជាង ៤០០ និងបោកប្រាស់មនុស្សជាង ៤០០ នាក់៕
