ហូឡង់៖ ហ្វូងមនុស្សយ៉ាងច្រើនដែលប្រឆាំងការរឹតបន្តឹងកូវីដ១៩ របស់រដ្ឋាភិបាលហូឡង់ បានប្រមូលផ្តុំគ្នាកាលពីថ្ងៃអាទិត្យ នៅជិតសារមន្ទីរជាតិក្នុងទីក្រុង អាំស្ទែរដាំ ដោយការតវ៉ាដែលត្រូវបានហាមឃាត់ដោយអាជ្ញាធរបានឈានដល់អំពើហិង្សាយ៉ាងឆាប់រហ័ស។
ឈុតឆាកដ៏ច្របូកច្របល់បានលាតត្រដាងនៅតាមដងផ្លូវនៃរដ្ឋធានីរបស់ប្រទេសហូឡង់ ជាកន្លែងដែលប៉ូលីសបានព្យាយាមបំបែកបាតុកររាប់ពាន់នាក់ ដែលបានប្រមូលផ្តុំសម្រាប់ការតវ៉ាការរឹតបន្តឹង ដែលត្រូវបានហាមឃាត់។
ស្ថានការណ៍បានប្រែក្លាយជាហិង្សាយ៉ាងឆាប់រហ័ស ដោយរូបថត និងវីដេអូនៅលើបណ្តាញសង្គមបង្ហាញពីមន្រ្តីនៅក្នុងកុបកម្ម បានប៉ះទង្គិចជាមួយក្រុមបាតុករ ដែលប៉ុនប៉ងទម្លុះខ្សែការពាររបស់ប៉ូលីស។ ប៉ូលីស ត្រូវបានគេឃើញវាយបាតុករដោយដំបង និងរុញពួកគេចេញ ហើយក្រុមបាតុករបានឆ្លើយតបដោយការវាយប៉ូលីសដោយកណ្តាប់ដៃ ព្រមទាំងបដា។ រហូតមកដល់ពេលនេះ មិនទាន់មានរបាយការណ៍អំពីអ្នករងរបួសនៅឡើយទេ។
ប៉ូលីសហូឡង់បាននិយាយថា មនុស្សសរុបចំនួន ៣០ នាក់ត្រូវបានចាប់ខ្លួន បន្ទាប់ពីការតវ៉ានេះ ប៉ូលីសហូឡង់បាននិយាយថា ការចាប់ខ្លួនត្រូវបានធ្វើឡើងលើការចោទប្រកាន់ជាច្រើន។ ប៉ូលីសបួននាក់បានរងរបួសនៅក្នុងការប៉ះទង្គិចគ្នា។
ប្រទេសហូឡង់បានឃើញបាតុកម្មប្រឆាំងការបិទខ្ទប់ជាច្រើនក្នុងប៉ុន្មានខែថ្មីៗនេះ ដែលជំរុញដោយវិធានការរឹតត្បិតកាន់តែខ្លាំងឡើងរបស់រដ្ឋាភិបាល ដើម្បីការពារការរីករាលដាលនៃកូវីដ១៩ រួមទាំងការបិទដោយផ្នែក និងការដាក់ឱ្យប្រើប្រាស់ប្រព័ន្ធលិខិតវ៉ាក់សាំងឆ្លងដែន៕
