អាមេរិក៖ ភ្លើងឆេះព្រៃដែលឆាបឆេះដោយខ្យល់បក់ខ្លាំងបានបង្កឱ្យមានការបញ្ជាជម្លៀសចេញសម្រាប់ទីក្រុងជាច្រើននៅភាគខាងជើងរដ្ឋ Colorado ដែលជាកន្លែងមានផ្សែងហុយពេញទូទាំងតំបន់ Boulder ត្រូវបានគេរាយការណ៍។
ភ្លើងឆេះយ៉ាងលឿនបានបង្ខំឱ្យអ្នកស្រុករាប់ម៉ឺននាក់ចាកចេញពីតំបន់នេះ កាលពីថ្ងៃព្រហស្បតិ៍ដោយមានខ្យល់កន្ត្រាក់ក្នុងល្បឿនលើសពី 160 គីឡូម៉ែត្រក្នុងមួយម៉ោង។
ទីប្រជុំជន Superior ដែលមានប្រជាជនចំនួន ១៣,០០០ នាក់ គឺជាទីក្រុងដំបូងគេដែលបានជម្លៀសចេញតាមបញ្ជារបស់ការិយាល័យគ្រប់គ្រងគ្រាអាសន្នរបស់តំបន់ បន្ទាប់មកគឺ Louisville នៅភាគខាងជើង ដែលជាផ្ទះរបស់ប្រជាជន ២១,០០០ នាក់ ។
វីដេអូ និងរូបថតដែលចែកចាយលើអ៊ីនធឺណិត បង្ហាញពីពពកផ្សែង និងធូលីដ៏ច្រើនសន្ធឹកសន្ធាប់ព័ទ្ធជុំវិញតំបន់នេះ ក៏ដូចជាការជម្លៀសខ្លួនដែលកំពុងដំណើរការ ដោយរថយន្តត្រូវបានគេមើលឃើញថាជាប់គាំងចរាចរណ៍ ខណៈផ្សែងនៅលើមេឃប្រែទៅជាពណ៌ទឹកក្រូចដ៏គួរឱ្យខ្លាច៕
