ប៉េកាំង៖ គណៈកម្មការសុខភាពជាតិបាននិយាយនៅក្នុងរបាយការណ៍ប្រចាំថ្ងៃរបស់ខ្លួន នៅពីថ្ងៃអង្គារថា ប្រទេសចិនបានរកឃើញករណីឆ្លងកូវីដ១៩ ក្នុងស្រុកថ្មីចំនួន ១៨២ ករណី។
គណៈកម្មការបាននិយាយថា ក្នុងចំណោមករណីក្នុងស្រុកថ្មី ១៨០ ត្រូវបានរាយការណ៍នៅក្នុង ខេត្ត សាអានស៊ី និងមួយករណីនៅក្នុងខេត្ត ជឺជាំង និង ខេត្ត អ៊ីនណាន ។
គណៈកម្មការបានឲ្យដឹងផងដែរថា មានករណីនាំចូលថ្មីចំនួន ២៧ ករណីនៅតាមខេត្តចំនួន ១០។ តែគ្មានករណីសង្ស័យថ្មី និងការស្លាប់ថ្មីពី COVID-19 ត្រូវបានរាយការណ៍នៅថ្ងៃនោះទេ។
ចំនួនករណីឆ្លង COVID-19 សរុបនៅចិនបានកើនឡើងដល់ ១០១,៤៨៦ នាក់គិតត្រឹមថ្ងៃច័ន្ទ ដែលក្នុងនោះមានអ្នកជំងឺចំនួន ២,២៧៥ នាក់នៅតែទទួលការព្យាបាល ក្នុងនោះ ១២ នាក់ស្ថិតក្នុងស្ថានភាពធ្ងន់ធ្ងរ។
អ្នកជំងឺសរុបចំនួន ៩៤,៥៧៥ នាក់បានចេញពីមន្ទីរពេទ្យ ហើយ ៤,៦៣៦ នាក់បានស្លាប់ដោយសារវីរុសនេះ។ តែទោះជាយ៉ាងណា ករណីគ្មានរោគសញ្ញាសរុបចំនួន ២១ ក៏ត្រូវបានរាយការណ៍ថ្មីកាលពីថ្ងៃច័ន្ទផងដែរ៕
