WHO៖ ប្រធានអង្គការសុខភាពពិភពលោកបានព្រមានថា ការជួបជុំគ្នាក្នុងថ្ងៃសម្រាកអាចបណ្តាលឱ្យមានការកើនឡើងនៃករណីឆ្លងកូវីដ១៩បំលែងថ្មី អូមីក្រុង ដែលកំពុងរីករាលដាលយ៉ាងឆាប់រហ័ស។ ហើយអង្គការសុខភាពលោក បានអំពាវនាវឲ្យពន្យារពេល ឬលុបចោលពិធីបុណ្យទាំងស្រុង។
ការថ្លែងនេះ ធ្វើឡើងនៅក្នុងអំឡុងសន្និសីទសារព័ត៌មាននៅទីក្រុងហ្សឺណែវកាលពីថ្ងៃចន្ទ ដោយប្រធានអង្គការសុខភាពពិភពលោក Tedros Adhanom Ghebreyesus បាននិយាយថា «ការសម្រេចចិត្តដ៏លំបាក" ត្រូវតែធ្វើឡើងដើម្បីការពារខ្លួនយើង និងអ្នកដទៃពីវីរុស ដោយអំពាវនាវឱ្យអ្នករៀបចំផែនការថ្ងៃឈប់សម្រាកទាំងនោះ ធ្វើការពិចារណាឡើងវិញចំពេលមានវិបត្តិសុខភាពដែលកំពុងបន្ត»។
លោកបានប្រាប់អ្នកយកព័ត៌មានថា «លុបចោលពិធីបុណ្យ គឺប្រសើរជាងការស្លាប់ ឬពន្យារពេលពេលនេះ ហើយប្រារព្ធនៅពេលក្រោយ ជាជាងដើម្បីអបអរឥឡូវនេះ ហើយសោកសៅនៅពេលក្រោយ»។
ប្រធានអ្នកវិទ្យាសាស្ត្ររបស់ WHO លោក Soumya Swaminathan ក៏បានប្រាប់អ្នកសារព័ត៌មានថា វានឹងជា "រឿងមិនសមហេតុផល" ក្នុងការទាញការសន្និដ្ឋានដ៏ទូលំទូលាយណាមួយពីទិន្នន័យដែលកាន់តែរីកច្រើនចេញពីអាហ្វ្រិកខាងត្បូង ទោះបីជាកូវីដ១៩បំលែងថ្មី អូមីក្រុង មិនសូវធ្ងន់ធ្ងរក៏ដោយក៏ "ចំនួនករណីជាក់ស្តែង" អាចគ្របដណ្ដប់លើប្រព័ន្ធសុខភាពជុំវិញពិភពលោក៕
