ប្រធានាធិបតីអាហ្រ្វិកខាងត្បូងធ្វើតេស្តវិជ្ជមានកូវីដ១៩

អាហ្រ្វិកខាងត្បូង៖ វិមានប្រធានាធិបតីនៃប្រទេសអាហ្រ្វិកខាងត្បូង បានចេញសេចក្តីថ្លែងការណ៍មួយនៅល្ងាចថ្ងៃទី ១២ ដោយនិយាយថា ប្រធានាធិបតីអាហ្រ្វិកខាងត្បូងលោក Ramaphosa បានធ្វើតេស្តវិជ្ជមានចំពោះកូវីដ១៩ ហើយកំពុងទទួលការព្យាបាល និងដាក់នៅដាច់ដោយឡែក។

សេចក្តីថ្លែងការណ៍បាននិយាយថា លោក Ramaphosa មានអារម្មណ៍មិនស្រួលបន្ទាប់ពីបានចូលរួមក្នុងពិធីរំលឹកដល់អតីតប្រធានាធិបតី De Klerk នៅទីក្រុង Cape។ ក្រោយមកគាត់ត្រូវបានធ្វើតេស្ត ហើយលទ្ធផលគឺវិជ្ជមាន។ លោក Ramaphosa ត្រូវបានចាក់វ៉ាក់សាំងការពារកូវីដ១៩ ហើយបច្ចុប្បន្នមានរោគសញ្ញាស្រាល និងស្ថានភាពផ្លូវចិត្តល្អ។

សេចក្តីថ្លែងការណ៍បានបញ្ជាក់ថា លោក Ramaphosa កំពុងទទួលការព្យាបាល និងដាក់ឱ្យនៅដាច់ដោយឡែក ហើយអនុប្រធានាធិបតី Mabuza នឹងទទួលបន្ទុកជាប្រធានាធិបតីនៅសប្តាហ៍ក្រោយ។ Ramaphosa បាននិយាយនៅក្នុងសេចក្តីថ្លែងការណ៍មួយថា ការឆ្លងរបស់គាត់ គឺជាការព្រមានដល់មនុស្សគ្រប់គ្នានៅអាហ្វ្រិកខាងត្បូងថា មនុស្សទាំងអស់គួរតែត្រូវបានចាក់វ៉ាក់សាំងការពារកូវីដ១៩ ហើយត្រូវមានការប្រុងប្រយ័ត្ន។

យោងតាមសេចក្តីថ្លែងការណ៍ ថ្មីៗនេះលោក Ramaphosa និងសមាជិកនៃគណៈប្រតិភូបានទៅទស្សនៈកិច្ចប្រទេសនៅអាហ្វ្រិកខាងលិច រួមមាននីហ្សេរីយ៉ា និងកូតឌីវ័រ ហើយត្រូវបានធ្វើតេស្តក្នុងអំឡុងពេលទស្សនកិច្ច លទ្ធហើយផល គឺអវិជ្ជមានទាំងអស់។

ទិន្នន័យដែលបានចេញផ្សាយដោយវិទ្យាស្ថានជាតិជំងឺឆ្លងនៅអាហ្វ្រិកខាងត្បូងនៅថ្ងៃដដែល បានបង្ហាញថាក្នុងរយៈពេល ២៤ ម៉ោងកន្លងមកនេះ មានករណីដែលត្រូវបានបញ្ជាក់ថ្មីចំនួន ១៨,០៣៥ នៃកូវីដ១៩នៅអាហ្រ្វិកខាងត្បូងនិងចំនួនសរុបចំនួន ៣,១៦៧,៤៩៧ ករណី និងករណីអ្នកស្លាប់ថ្មីសរុប ចំនួន ៩០,១៣៧ នាក់បានស្លាប់។ មកទល់ពេលនេះ អាហ្រ្វិកខាងត្បូងបានទទួលវ៉ាក់សាំង ជាង ២៧,០៩ លានដូស ហើយមនុស្សជាង ១៨,១៦ លាននាក់ បានទទួលវ៉ាក់សាំងយ៉ាងហោចណាស់មួយដូស៕