ស្រីលង្កា៖ប្រទេសស្រីលង្កា នៅថ្ងៃទី ៣ ធ្នូនេះ បានរកឃើញករណីវិជ្ជមានកូវីដ១៩បំលែងថ្មីប្រភេទ អូមីក្រុង ដែលជាករណីដំបូងរបស់ប្រទេសនេះ។
អាជ្ញាធរសុខាភិបាលស្រីលង្កា បានប្រកាសនៅថ្ងៃសុក្រនេះថា អ្នកវិជ្ជមានក្នុងករណីនេះគឺជាពលរដ្ឋស្រីលង្កា ដែលទើបនឹងធ្វើដំណើរត្រលប់មកពីអាហ្វ្រិកខាងត្បូងកាលពីពេលថ្មីៗនេះ។
អនុប្រធាន ផ្នែកសេវាសុខាភិបាល នៃប្រទេសស្រីលង្កាបានបញ្ជាក់ថា “ដោយសារតែមានការប្រុងប្រយ័ត្នខ្ពស់របស់យើង បន្ទាប់ពីការធ្វើតេស្តបញ្ជាក់ថាបានរកឃើញករណីវិជ្ជមានកូវីដ១៩បំលែងថ្មីប្រភេទ អូមីក្រុងលើកដំបូងក៏ដោយ តែយើងមិនចាំបាច់មានការភ័យស្លន់ស្លោនោះឡើយ ពីព្រោះយើងកំពុងដោះស្រាយស្ថានភាពនេះ។”
