ប្រទេសវៀតណាមផ្ទុះករណីឆ្លងកូវីដ១៩ជាង ១ ម៉ឺននាក់បន្ថែម

វៀតណាម៖ ប្រទេសវៀតណាម បានរាយការណ៍ពីករណីថ្មីនៃកូវីដ១៩ ក្នុងស្រុកចំនួន ១៣,៦៧៧ករណី កាលពីថ្ងៃទី ១ ខែវិច្ឆិកា ។ អ្នកជំងឺ ដែលបានរកឃើញនៅក្នុងទីក្រុងចំនួន ៦០ បាននាំឱ្យចំនួនអ្នកឆ្លងសរុបនៅក្នុងរលកថ្មីនេះ កើនឡើងដល់ ១,២៦០,១២២ ករណី។

ទីក្រុងដែលមានអ្នកឆ្លងកូវីដ១៩ច្រើនជាងគេគឺ ទីក្រុងហូជីមិញមានករណីឆ្លងចំនួន ១,៧៣៨ ករណី, ទីក្រុង ចាន់ថូវ ៩៨៥ ករណី និងទីក្រុង តៃ និញ ចំនួន ៧៦៨ ករណី។

ខណៈចំនួនអ្នកស្លាប់ថ្មី ២១០នាក់ ត្រូវបានបញ្ចូលទៅក្នុងទិន្នន័យជាតិ ដោយរហូតមកដល់ពេលនេះចំនួនអ្នកស្លាប់ដោយសារកូវីដ១៩សរុបមានចំនួន ២៥,៦៥៨ ករណីនៅក្នុងរលកទី ៤ ដែលបានផ្ទុះឡើងនៅចុងខែមេសា។

ប្រហែលជាង ៥០ ភាគរយ នៃអត្រាប្រជាជននៅប្រទេសវៀតណាម បានទទួលការចាក់វ៉ាក់សាំងពេញលេញ៕