ថៃ៖ ប្រទេសថៃ បានរកឃើញករណីឆ្លងកូវីដ១៩ ចំនួន ៧,៤៩៦ នាក់បន្ថែមទៀត និងអ្នកស្លាប់ថ្មីចំនួន ៥៧ នាក់ នៅថ្ងៃទី១១ ខែវិច្ឆិកា នេះ។
ក្រសួងសុខាភិបាលថៃ បានរាយការណ៍ថា ក្នុងរយៈពេល ២៤ ម៉ោងចុងក្រោយនេះ មានអ្នកជំងឺថ្មីចំនួន ៧,៤៩៦នាក់បន្ថែមទៀត ដែលបានធ្វើតេស្តិ៍វិជ្ជមានជំងឺកូវីដ១៩ ក្នុងនោះមាន ២៤០ នាក់ បានរកឃើញនៅក្នុងពន្ធធនាគារ។
ខណៈអ្នកជំងឺ ៧,៤៥២ នាក់ បានជាសះស្បើយនិងអនុញ្ញាតឱ្យចាកចេញពីមន្ទីរពេទ្យ។ ហើយករណីសរុបនៅក្នុងប្រទេសនេះ បានកើនឡើងចំនួន ១,៩៩៦,៩៦៩ នាក់ ជាមួយនឹងករណីស្លាប់សរុបចំនួន ១៩,៨៨៣ នាក់។
ដោយឡែកមនុស្ស ២២៣,៩០៣ នាក់ បានទទួលការចាក់វ៉ាក់សាំងលើកដំបូង ក្នុងរយៈពេល ២៤ ម៉ោងចុងក្រោយនេះ ក្នុងនោះ ៥១៦,២៧៨ នាក់បានចាក់លើកទី២ និង ៣១,២៨៨ នាក់បានចាក់វ៉ាក់សាំងដូសទី៣ ដែលនាំឱ្យចំនួនវ៉ាក់សាំងសរុប ដែលបានគ្រប់គ្រងទូទាំងប្រទេសដល់ ៨២,៥៣២,៥៣១៕
