ថៃ៖ ប្រទេសថៃ បានរកឃើញករណីឆ្លងកូវីដ១៩ ចំនួន ៧,៥៩២ នាក់បន្ថែមទៀត និងអ្នកស្លាប់ថ្មីចំនួន ៣៩ នាក់ នៅថ្ងៃទី៨ ខែវិច្ឆិកា នេះ។
ក្រសួងសុខាភិបាលថៃ បានរាយការណ៍ថា ក្នុងរយៈពេល ២៤ ម៉ោងចុងក្រោយនេះ មានអ្នកជំងឺថ្មីចំនួន ៧,៥៩២ នាក់បន្ថែមទៀត ដែលបានធ្វើតេស្តិ៍វិជ្ជមានជំងឺកូវីដ១៩ ក្នុងនោះមាន ៧១១ នាក់ បានរកឃើញនៅក្នុងពន្ធធនាគារ។
ខណៈអ្នកជំងឺ ៩៨, ៤២៥ នាក់ បានជាសះស្បើយនិងអនុញ្ញាតឱ្យចាកចេញពីមន្ទីរពេទ្យ។ ហើយករណីសរុបនៅក្នុងប្រទេសនេះ បានកើនឡើងចំនួន ១,៩៧៥,៥៩១ នាក់ ជាមួយនឹងករណីស្លាប់សរុបចំនួន ១៩,៧០៣ នាក់។
ដោយឡែកមនុស្ស ៧៦,៤៩២ នាក់ បានទទួលការចាក់វ៉ាក់សាំងលើកដំបូង ក្នុងរយៈពេល ២៤ ម៉ោងចុងក្រោយនេះ ក្នុងនោះ ១៩៣,២៥៧ នាក់បានចាក់លើកទី២ និង៨,៣១០ នាក់បានចាក់វ៉ាក់សាំងដូសទី៣ ដែលនាំឱ្យចំនួនវ៉ាក់សាំងសរុប ដែលបានគ្រប់គ្រងទូទាំងប្រទេសដល់ ៨០,៤៩៩,៦១២៕
