កិច្ចប្រជុំCOP26ស្ដីពីការប្រែប្រួលអាកាសធាតុបានចាប់ផ្តើមដើម្បីដោះស្រាយបញ្ហាប្រឈមនានា

ស្កុតឡែន៖ សន្និសិទអង្គការសហប្រជាជាតិលើកទី ២៦ នៃភាគីស្តីពីការប្រែប្រួលអាកាសធាតុ (COP26) ដែលពន្យារពេលមួយឆ្នាំ ដោយសារជំងឺរាតត្បាត COVID-19 បានចាប់ផ្តើមកាលពីថ្ងៃអាទិត្យនៅទីក្រុង Glasgow ប្រទេសស្កុតឡែន។

សន្និសិទនេះធ្វើឡើងនៅពេលដែលពិភពលោកបានឆ្លងកាត់ជាបន្តបន្ទាប់នៃគ្រោះមហន្តរាយអាកាសធាតុ ដែលទាក់ទងនឹងការប្រែប្រួលអាកាសធាតុ ចាប់ពីទឹកជំនន់ធ្ងន់ធ្ងររហូតដល់ភ្លើងឆេះព្រៃ។

បញ្ហាកម្រិតខ្ពស់នៅក្នុងរបៀបវារៈរួមមាន ការបញ្ចប់ច្បាប់សម្រាប់យន្តការទីផ្សារនៃកិច្ចព្រមព្រៀងទីក្រុងប៉ារីស និងការសន្យាហិរញ្ញវត្ថុមិនទាន់ឆ្លើយតបរបស់ប្រទេសអ្នកមាន ចំពោះប្រទេសកំពុងអភិវឌ្ឍន៍ដើម្បីជួយពួកគេដោះស្រាយបញ្ហាប្រឈមទាក់ទងនឹងអាកាសធាតុ។

លោក Alok Sharma ប្រធាន COP26 បាននិយាយថា "មិត្តភ័ក្តិ នៅក្នុងប្រទេសរបស់យើងនីមួយៗ យើងកំពុងមើលឃើញពីផលប៉ះពាល់ដ៏អាក្រក់នៃការផ្លាស់ប្តូរអាកាសធាតុ។ ហើយយើងដឹងថា ភពផែនដីរួមរបស់យើង កំពុងផ្លាស់ប្តូរយ៉ាងអាក្រក់បំផុត ហើយយើងអាចដោះស្រាយវាជាមួយគ្នាតាមរយៈប្រព័ន្ធអន្តរជាតិនេះ" ៕