វៀតណាមរកឃើញករណីឆ្លងកូវីដ១៩ជាង៣ពាន់នាក់បន្ថែម

វៀតណាម៖ ប្រទេសវៀតណាម បានរាយការណ៍ពីករណីថ្មីនៃការឆ្លងជំងឺកូវីដ១៩ ក្នុងស្រុកចំនួន ៣,៦៣៥ ករណី កាលពីថ្ងៃទី១៩ ខែតុលា។ អ្នកជំងឺ ដែលបានរកឃើញនៅក្នុងទីក្រុងចំនួន ៥០ បាននាំឱ្យចំនួនអ្នកឆ្លងសរុបនៅក្នុងរលកថ្មីនេះ កើនឡើងដល់ ៨៧៣,៩០១ ករណី។

ទីក្រុងដែលមានអ្នកឆ្លងកូវីដ១៩ច្រើនជាងគេគឺ ទីក្រុងហូជីមិញ មានករណីឆ្លងចំនួន ១,៣៤៧ ករណី, ទីក្រុងប៊ីងឌឿង ចំនួន ៤៩២ ករណី និងទីក្រុង ដុងណៃ ចំនួន ៣០៥ ករណី។

ខណៈចំនួនអ្នកស្លាប់ថ្មី ៧២នាក់ ត្រូវបានបញ្ចូលទៅក្នុងទិន្នន័យជាតិ ដោយរហូតមកដល់ពេលនេះចំនួនអ្នកស្លាប់ដោយសារកូវីដ១៩សរុបមានចំនួន ២១,៤១៦ ករណីនៅក្នុងរលកទី ៤ ដែលបានផ្ទុះឡើងនៅចុងខែមេសា។

ប្រទេសវៀតណាម បានចាក់វ៉ាក់សាំងមួយដូសដល់មនុស្សជាង ៦០ លាននាក់ និងមនុស្សប្រហែល ១៩.១ លាននាក់បានទទួលការចាក់វ៉ាក់សាំងពេញលេញ៕