កាណាដា៖ ស្ត្រីជនជាតិកាណាដាម្នាក់ឈ្មោះ ជូលីអាណា(Juliana ) មិនអាចទ្រាំនឹងទង្វើរបស់អ្នកប្រឆាំងការចាក់វ៉ាក់សាំងបាន នាងបានឆ្លៀតឱកាសពីធីបុណ្យ Halloween ដែលជិតមកដល់ដាក់ឈើឆ្កាងធ្វើដោយដៃមួយចំនួននៅមុខផ្ទះរបស់នាង ដែលមើលទៅហាក់បីដូចជា «វាលផ្នូរខ្មោច» ហើយនាងបានចារិកពាក្យពេច៍តិះដៀលដល់អ្នកប្រឆាំងនឹងការចាក់វ៉ាក់សាំងថា«ខ្លាចនៅរស់»។
យោងតាមរបាយការណ៍ នាងជូលីអាណា បានកែច្នៃទ្វារផ្ទះរបស់នាងទៅជា “វាលផ្នូរខ្មោច” ដោយដាក់ ឈើឆ្កាងដែលធ្វើដោយខ្លួនឯងផ្ទាល់ ហើយចារិកពាក្យពេច៍សុទ្ធតែតិះដៀលដល់អ្នកប្រឆាំងនឹងការចាក់វ៉ាក់សាំង។
ក្នុងចំណោមនោះ មានខ្លះចរិកសរសេរថា “ខ្ញុំមិនចង់រស់ទេ ខ្ញុំខ្លាច!” “រូបរាងកាយរបស់ខ្ញុំ ការជ្រើសរើសរបស់ខ្ញុំ ផ្នូរខ្មោចរបស់ខ្ញុំ” “ខ្ញុំគិតថាហ្វេសប៊ុក(Facebook) គួរឱ្យជឿជាក់” ជាដើម។
បន្ទាប់ពីជូលីអាណាបានផុសរូបថតទៅក្នុងបណ្ដាញអ៊ីនធើណិត បណ្តាលអោយមានការពិភាក្សាយ៉ាងក្តៅគគុក ដោយអ្នកលេងអ៊ីនធើណិត ខ្លះបានកោតសរសើរចំពោះទង្វើរបស់នាង ហើយគិតថាវាជាគំនិតប្រកបដោយភាពកំប្លែងនិងច្នៃប្រឌិត៕
