អេស្ប៉ាញ៖ ព្រលានយន្តហោះនៅលើកោះឡាប៉ាម៉ារបស់អេស្ប៉ាញបានបិទទ្វារជាថ្មីម្តងទៀតនៅថ្ងៃព្រហស្បតិ៍ ដោយសារការផ្ទុះភ្នំភ្លើងជិត ៣ សប្តាហ៍។
ក្រុមអ្នកវិទ្យាសាស្ត្របាននិយាយថា ដំណើរនៃការផ្ទុះបានស្ងប់ក្នុងរយៈពេលប៉ុន្មានថ្ងៃចុងក្រោយនេះ ប៉ុន្តែភ្នំភ្លើងនៅកោះកាណារីនៅតែបន្តផ្ទុះនិងការរញ្ជួយដីចំនួន ១៦ លើកដែលមានកម្លាំង ៣.៥ រ៉ិចទ័រ ក្នុងរយៈពេល ២៤ ម៉ោងមុននេះ។
ភ្នំភ្លើងនេះ បានបង្ខំឱ្យមានការជម្លៀសប្រជាជនជាង ៦.០០០ នាក់ និងបំផ្លាញផ្ទះជាង ៦០០ ខ្នង។ ការផ្ទុះនេះ បានបិទទ្វារអាកាសយានដ្ឋានឡាប៉ាម៉ាជាបណ្តោះអាសន្នកាលពីខែមុន។
ក្រុមមន្រ្តីបាននិយាយថា ថ្មដែលរលាយពីរណ្ដៅភ្នំភ្លើងឥឡូវនេះកំពុងហូរទៅក្នុងសមុទ្រដែលបន្ធូរបន្ថយការភ័យខ្លាច ដែលវាអាចរីករាលដាលកាន់តែធំនិងបង្កការបំផ្លិចបំផ្លាញថែមទៀត។
មជ្ឈមណ្ឌលស្រាវជ្រាវភូមិសាស្ត្រវិទ្យាសាស្ត្រអាឡឺម៉ង់ ដែលបានបញ្ជូនក្រុមមួយទៅទីក្រុងឡាប៉ាម៉ាបាននិយាយថា លំហូរកំអែលភ្នំភ្លើងមានប្រវែង ៦.៣០០ ម៉ែត្រ ទទឹងជាង ១.០០០ ម៉ែត្រ នៅចំណុចធំបំផុតមានកម្រាស់រហូតដល់ ២៥ ម៉ែត្រ។
ការជម្លៀសភ្លាមៗ បានជួយជៀសវាងការស្លាប់និងរបួសពីការផ្ទុះឡើង ហើយកោះភាគច្រើនដែលមានប្រជាជនប្រហែល ៨៥.០០០ នាក់ មិនបានរងផលប៉ះពាល់ទេ៕
