បាងកក៖ អាជ្ញាធរទីក្រុងបាងកកប្រទេសថៃ កំពុងត្រៀមខ្លួនក្នុងការទប់ស្កាត់ទឹកជំនន់ នៅក្នុងស្រុកចំនួន៧ក្នុងភាគខាងជើងប្រទេស។ នេះបើតាមការចុះផ្សាយរបស់កាសែតក្នុងស្រុកថៃ។
លោក Aswin Kwanmuangអភិបាលក្រុងបាងកក នៅថ្ងៃអាទិត្យនេះ បានចុះពិនិត្យតំបន់លិចទឹកនៅតាមដងទន្លេចៅប្រាយ៉ាចាប់ពីស្ពានរ៉ាម៉ា ៧ ទៅស្រុកបាងណាដែលមានប្រវែងប្រហែល ៧៨.៩៥ គីឡូម៉ែត្រ និងរៀបចំបាវខ្សាច់នៅតំបន់ដែលមិនទាន់មានទំនប់។
អភិបាលក្រុងរូបនេះ បានឱ្យដឹងទៀតថា ស្ថានីយ៍បូមទឹកទាំង ៩៧ នៅតាមច្រាំងទន្លេក៏ត្រូវបានត្រួតពិនិត្យផងដែរ ចំពោះការត្រៀមខ្លួនដោយមានឧបករណ៍ និងបុគ្គលិកដើម្បីផ្តល់ជំនួយ ២៤ ម៉ោងក្នុងមួយថ្ងៃក្នុងករណីមានទឹកជំនន់ភ្លាមៗ។
ទន្ទឹមនឹងនេះ អភិបាលខេត្តបានបញ្ជាឱ្យខេត្តចំនួន ៧ នៅខាងក្រៅច្រាំងទន្លេចៅប្រាយ៉ា គឺខេត្តឌូស៊ីត ប្រាក់ ណាខន ខេត្ត សំផានថាវង់ ខេត្តបាំងខមឡាំ ខេត្តយ៉ាន់ណាវ៉ា ខេត្តបាំងកកណយ និងខេត្តខ្លងសាន ដើម្បីជម្រុញឱ្យប្រជាជនផ្លាស់ប្តូរទីកន្លែងទៅកន្លែងខ្ពស់ ដើម្បីកាត់បន្ថយការខូចខាតប្រសិនបើទឹកជំនន់កើតឡើង ។
សូមជម្រាបជូនថា មជ្ឈមណ្ឌលបញ្ជាទឹកជាតិបានវាយតម្លៃពីបរិមាណទឹកភ្លៀងដែលជន់លិចនៅតំបន់ចៅប្រាយ៉ានិងអាងប៉ាសាក់។ ទឹកបន្ថែមពីតំបន់ខាងលើនៃទន្លេចៅប្រាយ៉ាត្រូវបានគេរំពឹងថានឹងបន្តហូរកាត់ទំនប់ចៅប្រាយ៉ារហូតដល់ថ្ងៃទី ៥ ខែតុលាដែលអាចប៉ះពាល់ដល់តំបន់នៅខាងក្រៅទំនប់ទឹក។
