ថៃ៖ ប្រទេសថៃបានរកឃើញករណីឆ្លងកូវីដ១៩ចំនួន ១៣.២៥៦ នាក់បន្ថែមទៀត និងស្លាប់ចំនួន ១៣១ នាក់នៅថ្ងៃទី២៣ ខែកញ្ញានេះ។
ក្រសួងសុខាភិបាលបានរាយការណ៍ថា ក្នុងរយៈពេល ២៤ ម៉ោងចុងក្រោយនេះ មានអ្នកជំងឺថ្មីចំនួន ១៣.២៥៦ នាក់ដែលបានធ្វើតេស្តិ៍វិជ្ជមានជំងឺកូវីដ១៩ ក្នុងនោះ ៤៧៨ នាក់ត្រូវបានរកឃើញនៅក្នុងពន្ធនាគារ។
ខណៈអ្នកជំងឺ ១៣.៨២៩ នាក់បានជាសះស្បើយនិងអនុញ្ញាតឱ្យចាកចេញពីមន្ទីរពេទ្យ។ ទោះជាយ៉ាងណាករណីសរុបនៅក្នុងប្រទេសនេះមានចំនួន ១.៥២៤.៦១៣ ករណី ជាមួយនឹងករណីស្លាប់សរុបចំនួន ១២.៧៧៨ នាក់៕
