Yearendyearend1140x150
Img 0571

អាមេរិកកំពុងប្រឈមនឹងជនអន្តោប្រវេសន៍ខុសច្បាប់ដែលលួចឆ្លងដែនចូលរដ្ឋតិចសាស់

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រភពរូប៖ Reading The Pictures

អាមេរិក៖ លោក ម៉ាយអូកាស (Majorca) រដ្ឋមន្ត្រីសន្តិសុខមាតុភូមិអាមេរិកបាននិយាយនៅថ្ងៃទី ២០ ថា រដ្ឋាភិបាលអាមេរិកបានបញ្ជូនបុគ្គលិកសន្តិសុខមាតុភូមិជាង ៦០០ នាក់ ទៅកាន់ទីក្រុង ដេលរីយ៉ូ ដែលជាទីក្រុងតូចមួយនៅភាគនិរតីនៃរដ្ឋតិចសាស់ ។

លោក ម៉ាយអូកាស (Majorca) រដ្ឋមន្ត្រីសន្តិសុខមាតុភូមិអាមេរិក បានប្រាប់ប្រព័ន្ធផ្សព្វផ្សាយអាមេរិកនៅទីក្រុងដេលរីយ៉ូថា អស់រយៈពេលជាច្រើនសប្តាហ៍មកហើយដែលជនអន្តោប្រវេសន៍ខុសច្បាប់បានឆ្លងដែនពីប្រទេសម៉ិកស៊ិកចូលទៅក្នុងទីក្រុងដេលរីយ៉ូ ហើយចំនួននេះបានឡើងដល់កម្រិតខ្ពស់ថ្មីក្នុងរយៈពេលប៉ុន្មានថ្ងៃចុងក្រោយនេះ។

រដ្ឋាភិបាលអាមេរិកកំពុងប្រឈមមុខនឹងបញ្ហានៃការរីករាលដាលនៃកូវីដ១៩ និងបញ្ហាអន្តោប្រវេសន៍ខុសច្បាប់ដ៏ធ្ងន់ធ្ងរ។ តាមការប៉ាន់ស្មានជនអន្តោប្រវេសន៍ខុសច្បាប់ប្រហែល ៣.០០០ នាក់នឹងត្រូវផ្ទេរពីទីក្រុង ដេលរីយ៉ូ ទៅកន្លែងស្នាក់នៅផ្សេងទៀតនៅសហរដ្ឋអាមេរិកនៅថ្ងៃទី ២០ ។

យោងតាម "USA Today" នៅថ្ងៃទី ២០ ដោយដកស្រង់សម្តីមន្រ្តីសាលាក្រុងដេលរីយូថា ជនអន្តោប្រវេសន៍ខុសច្បាប់ជាង ១៤.៥០០ នាក់ បានប្រមូលផ្តុំគ្នានៅក្នុងជំរំបណ្តោះអាសន្ននៅក្រោមស្ពានអន្តរជាតិដេលរីយ៉ូ ដែលភាគច្រើនមកពីប្រទេសហៃទី។ ខណៈអាកាសធាតុក្នុងតំបន់ក្តៅ ស្ថានភាពរស់នៅក្នុងជំរំបណ្តោះអាសន្នមិនល្អ សំរាមត្រូវបានប្រមូលផ្តុំ ហើយការផ្គត់ផ្គង់អាហារនិងទឹកមានកំរិត។

យោងតាមរបាយការណ៍ប្រព័ន្ធផ្សព្វផ្សាយអាមេរិក រដ្ឋាភិបាលអាមេរិកបានប្រើជើងហោះហើរយ៉ាងតិច ៣ ដងនៅថ្ងៃទី ១៩ ដើម្បីធ្វើមាតុភូមិនិវត្តន៍ជនអន្តោប្រវេសន៍ខុសច្បាប់ជាង ៤០០ នាក់ដែលបានចូលទីក្រុងដេលរីយ៉ូ ទៅកាន់ Port-au-Prince ដែលជារដ្ឋធានីនៃប្រទេសហៃទី។ ជនអន្តោប្រវេសន៍នឹងមកដល់ប្រទេសហៃទីនៅថ្ងៃទី ២១ ។

អភិបាលរដ្ឋតិចសាស់លោក អាប់បត់ (Abbott )បានផ្ញើលិខិតមួយច្បាប់ទៅប្រធានាធិបតីអាមេរិកលោក បៃ ដិន ទាក់ទងនឹងការកើនឡើងនៃចំនួនជនអន្តោប្រវេសន៍ខុសច្បាប់នៅទីក្រុងដេរីយ៉ូនៅថ្ងៃទី ២០ ដោយស្នើឱ្យរដ្ឋតិចសាស់ត្រូវប្រកាសជារដ្ឋគ្រាអាសន្ននិងផ្តល់ជំនួយសហព័ន្ធទៅរដ្ឋតិចសាស់។ ហើយលោកអាប់បត់ បានបញ្ជាឱ្យបិទច្រកព្រំដែនចំនួន ៦ រវាងសហរដ្ឋអាមេរិកនិងម៉ិកស៊ិកនៅក្នុងរដ្ឋនេះកាលពីថ្ងៃទី ១៦ ។

ចាប់តាំងពីដើមឆ្នាំនេះ មករលកនៃការធ្វើអន្តោប្រវេសន៍ខុសច្បាប់នៅតាមព្រំដែនរវាងសហរដ្ឋអាមេរិកនិងម៉ិកស៊ិកបានបន្តដែលជាបញ្ហាប្រឈមធ្ងន់ធ្ងរដល់រដ្ឋាភិបាលអាមេរិក។ យោងតាមរបាយការណ៍ប្រព័ន្ធផ្សព្វផ្សាយអាមេរិកបានឲ្យដឹងថា ចំនួនជនអន្តោប្រវេសន៍ខុសច្បាប់ដែលត្រូវបានចាប់ខ្លួននៅព្រំដែនអាមេរិក-ម៉ិកស៊ិកនៅឆ្នាំនេះ បានកើនឡើងដល់កម្រិតខ្ពស់បំផុតក្នុងរយៈពេលជាង ២០ ឆ្នាំ។ នៅក្នុងខែសីហាតែមួយ ជនអន្តោប្រវេសន៍ខុសច្បាប់ជាង ២០៨.០០០ នាក់ត្រូវបានចាប់ខ្លួន ហើយពួកគេភាគច្រើនបានឆ្លងដែនចូលទៅក្នុងសហរដ្ឋអាមេរិកម្តងទៀតបន្ទាប់ពីត្រូវបានដោះលែង៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង