វៀតណាម៖ ប្រទេសវៀតណាមបានរាយការណ៍ពីករណីថ្មីនៃជំងឺកូវីដ ១៩ ក្នុងស្រុកចំនួន ១០.០២៥ ករណីកាលពីថ្ងៃអាទិត្យ ដែលនាំឱ្យចំនួនអ្នកឆ្លងសរុបនៅក្នុងរលកថ្មីនេះកើនឡើងដល់ ៦៨២.៦១៨ ករណី។
តំបន់ទាំងបីដែលមានករណីថ្មីច្រើនជាងគេ គឺទីក្រុងហូជីមិញមាន ៥.៤៩៦ ករណី, ប៊ិញឌឿង មាន ២.៣៣២ ករណី និង ដុងណៃ មានចំនួន ៩៥៣ ករណី។
ចំនួនស្លាប់ថ្មី ២៣៣ នាក់ ត្រូវបានបញ្ចូលទៅក្នុងមូលដ្ឋានទិន្នន័យជាតិកាលពីថ្ងៃអាទិត្យ។ រហូតមកដល់ពេលនេះចំនួនអ្នកស្លាប់ដោយសារកូវីដ១៩សរុបមានចំនួន ១៧.០៩០ ករណី ឬប្រហែល ២.៥ ភាគរយនៃករណីឆ្លងទាំងអស់។
ទន្ទឹមនឹងនេះ អ្នកជំងឺកូវីដ -១៩ ចំនួន ៩.១៣៧ នាក់ត្រូវបានប្រកាសជាសះស្បើយ ដែលធ្វើឱ្យចំនួនសរុបនៃករណី ដែលបានជាសះស្បើយមកដល់ពេលនេះមានចំនួន ៤៥៧.៥០៥ នាក់។
ប្រទេសវៀតណាមបានចាក់វ៉ាក់សាំងមួយដូសដល់មនុស្សជាង ៣៤ លាននាក់ និងមនុស្សប្រហែល ៦.៥ លាននាក់បានទទួលការចការចាក់វ៉ាក់សាំងពេញលេញ៕
