ភ្នំពេញ៖សម្តេច ហ៊ុន សែន ទទួលបានមេដាយមាសសន្តិភាពពិភពលោក World Summit Peace ពីមហាសន្និបាតនៃក្តីសង្ឃឹមលើកទី៧ ក្រោមប្រធានបទស្តីពី «សន្តិភាពនៅតំបន់អាស៊ីប៉ាស៊ីហ្វិក»។ក្នុងមេដាយនេះ សម្តេចទទួលបានប្រាក់រង្វាន់ជាទឹកប្រាក់ចំនួន១លានដុល្លារ។
ថ្លែងក្នុងអញ្ជើញជាអធិបតីក្នុងពិធីប្រគល់-ទទួល ពហុកីឡដ្ឋានជាតិមរតកតេជោ សម្តេច ហ៊ុន សែន ប្រកាសមិនទទួលយកថវិកានេះនោះទេ ដោយបង្វែរថវិកាជារង្វាន់១លានដុល្លារនេះទៅសាងសង់ផ្ទះជូនដល់អតីតយុទ្ធជន និងយុវនីតិសម្បទា។សម្រាប់សម្តេចថវិកា១លានដុល្លារនេះអាចសាងសង់ផ្ទះជូនដល់អតីតយុទ្ធជន និងយុវនីតិសម្បទាបានច្រើនដោយផ្ទះមួយអាចចំណាយថវិកាប្រហែល៤ពាន់ដុល្លារ។
គួរបញ្ជាក់ថា សម្តេច ហ៊ុន សែន ទទួលបានមេដាយមាសសន្តិភាពពិភពលោក World Summit Peace ពីមហាសន្និបាតនៃក្តីសង្ឃឹមលើកទី៧ ក្រោមប្រធានបទស្តីពី «សន្តិភាពនៅតំបន់អាស៊ីប៉ាស៊ីហ្វិក»។សម្តេច ហ៊ុន សែន ត្រូវបានគេចាត់ទុកថា គឺជាស្ថាបនិកសន្តិភាពយ៉ាងពិតប្រាកដនៅកម្ពុជា និងជាមេដឹកនាំគំរូដ៏អស្ចារ្យមួយរូបក្នុងឧបទ្វីបអាស៉ី៕
