អន្តរជាតិ៖ វីរុសកូវីដ១៩បំលែងថ្មី Muដែលប្រហែលជាអាចធន់នឹងវ៉ាក់សាំងការពារជំងឺកូវីដ១៩នោះត្រូវបានរកឃើញនៅ៣៩ប្រទេសលើពិភពលោកហើយ។
យោងតាមការសិក្សាស្រាវជ្រាវរបស់អង្គការសុខភាពពិភពលោក (WHO) បានបង្ហាញថា៖ មកទល់នឹងពេលនេះត្រូវបានគេរកឃើញវីរុសកូវីដ១៩បំលែងថ្មី Mu បានរីករាលដាលដល់ប្រទេសចំនួន ៣៩ ដែលក្នុងនោះសហរដ្ឋអាមេរិកមានករណីឆ្លងច្រើនជាងគេ គឺត្រូវបានកត់ត្រាចំនួន ២០៦៥ ករណី។
អង្គការសុខភាពពិភពលោកបាននិយាយថា វីរុសកូវីដ១៩បំលែងថ្មីb.1.621ដែលគេអោយឈ្មោះ Mu នេះប្រហែលជាអាចធន់នឹងវ៉ាក់សាំង ដែលបច្ចុប្បន្នត្រូវបន្តធ្វើការតាមដាន។
វីរុសកូវីដ១៩បំលែងថ្មី Mu ត្រូវបានគេរកឃើញជាលើកដំបូងនៅក្នុងប្រទេសកូឡុំប៊ីកាលពីខែមករា ហើយត្រូវបានគេរកឃើញនៅក្នុងប្រទេសចំនួន ៣៨ ផ្សេងទៀត ហើយប្រទេសទាំងនោះគឺស្ថិតនៅអាមេរិកខាងត្បូងនិងអឺរ៉ុប។
យោងតាមព័ត៌មានបានអោយដឹងថា សហរដ្ឋអាមេរិកបានកត់ត្រាករណីឆ្លង វីរុសកូវីដ១៩បំលែងថ្មីMu ចំនួន ២០៦៥ ករណី ដែលខ្ពស់ជាងប្រទេសដទៃទៀត បន្ទាប់មកគឺកូឡុំប៊ីដែលមាន ៨៥២ ករណី និងអេស្ប៉ាញមានចំនួន ៤៧៣ ករណី៕
.PNG?1734342143)
