Yearendyearend1140x150
Img 0571

ទួរគីកំពុងចាប់ផ្តើមដកកងទ័ពរបស់ខ្លួនចេញពីអាហ្វហ្កានីស្ថាន

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រភពរូប៖ សារព័ត៌មានស៊ីនហួរ

ទួរគី៖ ក្រសួងការពារជាតិទួរគីបាននិយាយនៅក្នុងសេចក្តីថ្លែងការណ៍មួយនៅថ្ងៃទី ២៥ ថា កងទ័ពទួរគីបានបញ្ចប់បេសកកម្មរបស់ខ្លួន ហើយនឹងចាប់ផ្តើមដកចេញពីអាហ្វហ្កានីស្ថាន។

សេចក្តីថ្លែងការណ៍បាននិយាយថា ចាប់តាំងពីឆ្នាំ ២០០២មក កងទ័ពទួរគីបាននិងកំពុងប្រតិបត្តិការនៅអាហ្វហ្កានីស្ថានក្នុងក្របខ័ណ្ឌអង្គការសហប្រជាជាតិ អង្គការណាតូ(NATO) និងកិច្ចព្រមព្រៀងទ្វេភាគី។ បន្ទាប់ពីបានចូលរួមជាមួយភាគី និងវាយតម្លៃស្ថានភាពបច្ចុប្បន្នទួរគី បានចាប់ផ្តើមដកកងទ័ពរបស់ខ្លួនចេញពីអាហ្វហ្កានីស្ថាន។

សេចក្តីថ្លែងការណ៍បាននិយាយទៀតថា ដើម្បីឆ្លើយតបទៅនឹងភាពវឹកវរនាពេលថ្មីៗនេះ នៅអាកាសយានដ្ឋានអន្តរជាតិកាប៊ុល កងទ័ពទួរគីរួមជាមួយកងទ័ពប្រទេសដទៃទៀត បានធ្វើអន្តរាគមន៍ដើម្បីធានាសន្តិសុខនៅព្រលានយន្តហោះ។ ចាប់តាំងពីពេលនោះមក ទួរគីបានជម្លៀសជនស៊ីវិលចំនួន ១.១២៩ នាក់ចេញពីអាហ្វហ្គានីស្ថានតាមរយៈយន្តហោះយោធា។

គួរបញ្ជាក់ថា ប្រទេសទួរគី មានកងទ័ពប្រហែល ៦០០ នាក់ នៅអាហ្វហ្គានីស្ថាន ដែលជាផ្នែកមួយនៃកងកម្លាំងណាតូ (NATO) ៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង