Eqm5 on ads news
Photo 2022 10 27 15.04.39
Photo 2022 10 27 10.25.28
Alibaba cloud
Hi hotpot
Cct 01
Canadia app new

លោកឌូទើតេប្រកាសបន្តឈរឈ្មោះជាអនុប្រធានាធិបតីហ្វីលីពីនបន្ទាប់

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រធានាធិបតីហ្វីលីពីន រ៉ូឌ្រីហ្គោ ឌូទើ ប្រភពរូប៖ The Bangkok Post

ហ្វីលីពីន៖ ប្រធានាធិបតីហ្វីលីពីន រ៉ូឌ្រីហ្គោ ឌូទើតេ បានប្រកាសឈរឈ្មោះសម្រាប់តំណែងអនុប្រធានាធិបតីហ្វីលីពីននៅក្នុងការបោះឆ្នោតថ្នាក់ជាតិ និងថ្នាក់មូលដ្ឋានដែលនឹងប្រព្រឹត្តទៅនៅឆ្នាំក្រោយ។

ថ្លែងតាមរយៈទូរទស្សន៍រដ្ឋនៃប្រទេសហ្វីលីពីន ឌូទើតេ បានគូសបញ្ជាក់ថា លោកនឹងបន្តលើកកម្ពស់ការងារក្នុងការប្រយុទ្ធប្រឆាំងនឹងឧក្រិដ្ឋកម្មគ្រឿងញៀន ឧក្រិដ្ឋកម្មព្រហ្មទណ្ឌ និង កម្លាំងប្រឆាំងរដ្ឋាភិបាល។

គណបក្សកងកម្លាំងប្រជាជនប្រជាធិបតេយ្យដែលជាគណបក្សកំពុងកាន់អំណាចរបស់ហ្វីលីពីន បានប្រកាសនៅថ្ងៃទី ២៤ ថាប្រធានគណបក្សលោក ឌូទើតេ បានយល់ព្រមធ្វើជាតំណាងឱ្យគណបក្សនេះ ដើម្បីឈរឈ្មោះជាអនុប្រធានបន្ទាប់។ គណបក្សនេះគ្រោងនឹងធ្វើសមាជជាតិនៅខែកញ្ញា ដើម្បីពិភាក្សានិងបញ្ចប់បញ្ជីឈ្មោះបេក្ខជនចុងក្រោយសម្រាប់ការបោះឆ្នោត។

គួរបញ្ជាក់ថា លោកប្រធានាធិបតី រ៉ូឌ្រីហ្គោ ឌូទើតេ បានចូលកាន់អំណាចដឹកនាំប្រទេសហ្វីលីពីនចាប់ពីឆ្នាំ២០១៦មក។ លោកនឹងត្រូវបានបញ្ចប់អាណត្តិនៅក្នុងឆ្នាំ២០២២ ដែលតាមរដ្ឋធម្មនុញ្ញហ្វីលីពីនបច្ចុប្បន្ន ប្រធានាធិបតី អាចកាន់អំណាចបាន៦ឆ្នាំ ក៏ប៉ុន្តែមិនអាចឈរឈ្មោះបានពីរអាណត្តិឡើយ។

ក្រោមការដឹកនាំប្រទេសកន្លងមក រដ្ឋបាលដឹកនាំរបស់លោក ឌូទើតេ ហាក់ទទួលរងការរិះគន់ខ្លាំងពីសហគមន៍អន្តរជាតិ ជាពិសេសនោះក្រុមសិទ្ធិមនុស្ស ដោយសារតែគោលនយោបាយបោសសម្អាតគ្រឿងញៀនរបស់លោក ដោយមនុស្សច្រើនពាក់នាក់ ត្រូវបានស្លាប់ និងសម្លាប់ តាមរយៈការអនុវត្តគោលនយោបាយមួយនេះ៕

ផ្ទាំងពាណិជ្ជកម្ម
Img 9694
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង