Yearendyearend1140x150

ភ្លើងឆេះព្រៃបានរាលដាលពាសពេញប្រទេសអាល់ហ្សេរីបានសម្លាប់មនុស្ស៤២នាក់

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រភពរូប៖ Newsweek

អាល់ហ្សេរី៖ យោងតាមសារព័ត៌មានរ៉យទ័រ, រដ្ឋាភិបាលបាននិយាយថា ភ្លើងឆេះព្រៃនៅអាល់ហ្សេរីបានសម្លាប់មនុស្ស ៤២ នាក់កាលពីថ្ងៃអង្គាររួមទាំងទាហាន ២៥ នាក់ ដែលត្រូវបានដាក់ពង្រាយដើម្បីជួយពន្លត់ភ្លើង ខណៈផ្សែងយ៉ាងក្រាស់បានគ្របដណ្តប់តំបន់ភ្នំ Kabylie ភាគខាងកើតនៃរដ្ឋធានី។

ភ្លើងឆេះព្រៃរាប់សិបកន្លែងបានឆាបឆេះតំបន់ព្រៃនៅទូទាំងភាគខាងជើងប្រទេសអាល់ហ្សេរី ចាប់តាំងពីយប់ថ្ងៃច័ន្ទ ហើយរដ្ឋមន្ត្រីក្រសួងមហាផ្ទៃលោក Kamel Beldjoud បានចោទប្រកាន់អ្នកដុតភ្លើងថា បានបញ្ឆេះអណ្តាតភ្លើងនេះ ប៉ុន្តែមិនបានផ្តល់ព័ត៌មានលម្អិតអំពីការចោទប្រកាន់នេះទេ។

លោក Kamel Beldjoud បានមានប្រសាសន៍ថា “មានតែដៃឧក្រិដ្ឋជនប៉ុណ្ណោះ ដែលអាចនៅពីក្រោយការផ្ទុះឡើងនៃអគ្គិភ័យប្រហែល ៥០ នៅទូទាំងតំបន់មួយចំនួន” ។

កាលពីសប្តាហ៍មុនអ្នកឃ្លាំមើលបរិយាកាសរបស់សហគមន៍អ៊ឺរ៉ុបបាននិយាយថា មេឌីទែរ៉ាណេបានក្លាយជាចំណុចក្តៅនៃភ្លើងឆេះព្រៃ ខណៈភ្លើងឆេះព្រៃនៅប្រទេសទួរគីនិងក្រិក ត្រូវបានកើតឡើងដោយសារតែរលកកំដៅកើនឡើង។

អ្នកស្រុកនៃតំបន់ Tizi Ouzou ក្នុងទីក្រុង Kabylie បានប្រើមែកឈើដើម្បីព្យាយាមកម្ទេចព្រៃដែលឆេះឬបាចទឹកចេញពីធុងប្លាស្ទិកក្នុងកិច្ចខិតខំប្រឹងប្រែងដើម្បីពន្លត់ភ្លើង។

អ្នកស្រុក Kabylie បាននិយាយថា ទាហានត្រូវបានសម្លាប់នៅតំបន់ផ្សេងៗគ្នា ខណៈខ្លះកំពុងព្យាយាមពន្លត់ភ្លើង និងខ្លះទៀតបន្ទាប់ពីពួកគេត្រូវបានកាត់ផ្តាច់ ដោយភ្លើងដែលកំពុងរាលដាល។ ក្រសួងការពារជាតិបាននិយាយថា ទាហានច្រើននាក់បានរងរបួសយ៉ាងធ្ងន់ធ្ងរដោយសាររលាក។

សាក្សីបាននិយាយថា ផ្ទះជាច្រើនត្រូវបានឆេះ ខណៈក្រុមគ្រួសារកំពុងរត់គេចទៅសណ្ឋាគារ ផ្ទះសំណាក់យុវជន និងអគារស្នាក់នៅរបស់សាកលវិទ្យាល័យ ហើយផ្សែងយ៉ាងក្រាស់បានរារាំងដល់ការមើលឃើញរបស់ក្រុមពន្លត់អគ្គីភ័យ៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង