អាឡឺម៉ង់៖ ទីភ្ញាក់ងារសារព័ត៌មានស៊ីនហួរ, យ៉ាងហោចណាស់ មានមនុស្សម្នាក់បានស្លាប់និង ១៦ នាក់ទៀតរងរបួសក្នុងហេតុការណ៍ផ្ទុះនៅសួនឧស្សាហកម្មគីមីមួយនៅភាគខាងលិចប្រទេសអាឡឺម៉ង់ នៅថ្ងៃទី ២៧ ខែកក្កដា ។ ប៉ូលីសបានព័ទ្ធជុំវិញផ្លូវ ហើយបានស្នើសុំឱ្យប្រជាជនស្នាក់នៅផ្ទះ បិទទ្វារនិងបង្អួច។
ការផ្ទុះនេះបានកើតឡើងនៅឯសួនឧស្សាហកម្មគីមីមួយនៅលើ Rhine ដោយប្រតិបត្តិករសួនឧស្សាហកម្មបានបញ្ជាក់ថា ទីតាំងឡដុតសំរាមនៅសួននេះកាលពីម៉ោង ៩ និង ៤០ នាទីម៉ោងក្នុងស្រុកបានផ្ទុះឡើងបង្កឱ្យមានអគ្គិភ័យ។ ហើយអ្នកពន្លត់អគ្គិភ័យនិងអ្នកឃ្លាំមើលគុណភាពខ្យល់បានទៅដល់កន្លែងកើតហេតុ។
ប៉ូលីសLeverkusen បាននិយាយថា វត្តមានប៉ូលីសដ៏ធំមួយត្រូវបានដាក់ពង្រាយ ដើម្បីដោះស្រាយឧប្បត្តិហេតុនេះ។ ប៉ូលីសបានបិទផ្លូវនៅក្បែរនោះ ហើយបានស្នើសុំឱ្យប្រជាជនជៀសវាងផ្លូវថ្នល់តាមដែលអាចធ្វើទៅបានដើម្បីអនុញ្ញាតឱ្យរថយន្តសង្គ្រោះបន្ទាន់ឆ្លងកាត់។
ទីក្រុងនេះបានប្រកាសនៅថ្ងៃទី ២៧ ថា ការផ្ទុះនេះបានកើតឡើងនៅឯធុងផ្ទុកសារធាតុរំលាយដែលបណ្តាលឱ្យមនុស្ស ៤ នាក់រងរបួសធ្ងន់ ១២ នាក់រងរបួសធ្ងន់ស្រាលនិង ៥ នាក់ទៀតកំពុងបាត់ខ្លួន។ ប្រតិបត្តិករសួននេះបានបញ្ជាក់ជាបន្តបន្ទាប់ថា មនុស្សដែលបាត់ខ្លួនត្រូវបានគេអះអាងថាបានស្លាប់។
សារព័ត៌មាន Associated Press បានរាយការណ៍ថា ពពកខ្មៅដ៏ធំមួយបានហោះឡើងទៅលើសួនឧស្សាហកម្មគីមីបន្ទាប់ពីការផ្ទុះ។ យោងតាមសារព័ត៌មាន Cologne News ផ្សែងកំពុងហុយទៅទិសពាយព្យដែលអាចប៉ះពាល់ដល់ទីក្រុង Bourgshayd និងកន្លែងផ្សេងទៀត។
ទីក្រុងLeverkusen មានទីតាំងស្ថិតនៅភាគខាងជើង Rhine-Westphalia ចម្ងាយ ២០ គីឡូម៉ែត្រខាងជើងទីក្រុង Cologne ដែលជាទីក្រុងធំបំផុតទី ៤ របស់អាល្លឺម៉ង់។ ប៉ូលីសទីក្រុងនេះ បាននិយាយថាអ្នកពន្លត់អគ្គិភ័យ ឧទ្ធម្ភាគចក្រ និងរថយន្តសង្គ្រោះជាច្រើនកំពុងធ្វើដំណើរ ដើម្បីគាំទ្រឧប្បត្តិហេតុនេះហើយអ្នករស់នៅទីក្រុង Cologne បានព្យាយាមមិនធ្វើដំណើរទៅ Leverkusen ។
ប៉ូលីសLeverkusenបាននិយាយថា គេមិនអាចវាយតម្លៃទំហំនៃការខូចខាតដែលបណ្តាលមកពីការផ្ទុះនេះទេ។ ទីភ្នាក់ងារការពារជនស៊ីវិលសហព័ន្ធអាឡឺម៉ង់បានព្រមានពីផលប៉ះពាល់ "គ្រោះថ្នាក់បំផុត" នៃការផ្ទុះនេះ ដោយស្នើសុំឱ្យប្រជាជនស្នាក់នៅផ្ទះ បិទទ្វារនិងបង្អួច ហើយបើកម៉ាស៊ីនត្រជាក់ ។ ហើយទីភ្នាក់ងារមិនបានបញ្ជាក់ពីលក្ខណៈនៃសារធាតុគីមី ដែលត្រូវបានបញ្ចេញដោយការផ្ទុះនោះទេ។
គួរបញ្ជាក់ផងដែរថា មានក្រុមហ៊ុនជាង ៣០ បានបង្កើតរោងចក្រនៅសួនឧស្សាហកម្មនេះ ដែលរួមមានទាំងក្រុមហ៊ុនឱសថ ក្រុមហ៊ុនយក្សBayer របស់អាឡឺម៉ង់ និងក្រុមហ៊ុនផលិតគីមី Lancers ៕
