ភ្លើងឆេះព្រៃជាង៤០០ហិកតានៅទីប្រជុំជនភាគខាងត្បូងប្រទេសអេស្ប៉ាញ

អេស្ប៉ាញ៖ អភិបាលក្រុង Villarrasa បាននិយាយកាលពីថ្ងៃសៅរ៍ថា ភ្លើងឆេះព្រៃដែលបានចាប់ផ្តើមកាលពីរសៀលថ្ងៃសៅរ៍ក្នុងទីក្រុង Villarrasa នៅភាគនិរតីនៃខេត្ត Huelva បានបំផ្លាញដីអេកូឡូស៊ី ជាង ៤០០ ហិកតា។

លោក Arturo Alpresa អភិបាលក្រុង Villarrasa បាននិយាយប្រាប់អ្នកសារព័ត៌មានអំពីការឆេះនេះ ថា ការឆាបឆេះនេះកំពុងបន្ដ ដោយខ្យល់បក់ខ្លាំង ដែលនាំមកនូវការលំបាកយ៉ាងខ្លាំងដល់កងកម្លាំងពន្លត់អគ្គីភ័យ។

យោងតាមនាយកដ្ឋានពន្លត់អគ្គីភ័យក្នុងស្រុកអ្នកពន្លត់អគ្គិភ័យចំនួន ១៥០ នាក់ ដែលគាំទ្រដោយកងកំលាំងអាកាសកំពុងប្រយុទ្ធនឹងអគ្គីភ័យនេះ។ តំបន់ដែលរងផលប៉ះពាល់ គឺមានតម្លៃបរិស្ថានយ៉ាងខ្លាំងព្រោះវាមានទីតាំងនៅភាគខាងលិចនៃខេត្ត ដែលស្ទើរតែមានព្រំប្រទល់ជាប់នឹងSeville។

ក្រុមពន្លត់អគ្គីភ័យបានព្យាយាមរក្សាអណ្តាតភ្លើងមិនឱ្យរាលដាលទៅដល់កន្លែងចាក់សំរាមរបស់ក្រុង ដើម្បីគ្រប់គ្រងផ្នែកខាងមុខនិងរារាំងអគ្គិភ័យមិនឱ្យបន្តពន្លឿនឆ្ពោះទៅSeville ។

យន្តហោះយោធាជាច្រើនត្រូវបានបញ្ជូនទៅជួយពន្លត់ភ្លើងរួមមាន ឧទ្ធម្ភាគចក្រដឹកជញ្ជូន ២ គ្រឿងយន្តហោះបំផ្ទុះគ្រាប់បែក យន្តហោះដឹកទំនិញធុនតូច ៤ គ្រឿង យន្តហោះសម្របសម្រួលតូចមួយគ្រឿង និងគ្រឿងចក្រ ចំនួន ២ ។ ខណៈ ពពកនៃផ្សែងដែលបណ្តាលមកពីអណ្តាតភ្លើងអាចមើលឃើញពីខេត្តជាច្រើន ៕