ប្រជាជនឥណ្ឌាជាង៧០នាក់បានស្លាប់ដោយសាររន្ទះបាញ់ក្នុងរយៈពេល២៤ម៉ោង

ឥណ្ឌា៖ សារព័ត៌មានស៊ីនហួរ, ប្រព័ន្ធផ្សព្វផ្សាយឥណ្ឌាបានរាយការណ៍នៅថ្ងៃទី ១២ រដ្ឋ Uttar Pradesh, Rajasthan និង Madhya Pradesh ក្នុងរយៈពេល ២៤ ម៉ោងកន្លងមក មានមនុស្ស ៧២ នាក់បានស្លាប់ ដោយសាររន្ទះបាញ់ ហើយមនុស្សជាច្រើននាក់ទៀតបានរងរបួស។

ក្នុងរយៈពេល ២៤ ម៉ោងកន្លងមក មនុស្សចំនួន ៤២ នាក់ត្រូវបានគេរាយការណ៍ថា បានស្លាប់ដោយសាររន្ទះបាញ់នៅតំបន់ដូចជាតំបន់ Praiagraj, Kanpur និង Fatahpur ក្នុងរដ្ឋ Uttar Pradesh និង ២៣ នាក់នៅតំបន់ Jaipur ក្នុងរដ្ឋ Rajasthan និង ៧ នាក់ផ្សេងទៀតនៅរដ្ឋ Madhya Pradesh។

គួរបញ្ជាក់ផងដែរថា ប្រទេសឥណ្ឌាជារៀងរាល់ឆ្នាំចាប់ពីខែមិថុនា ដល់ ខែកញ្ញា គឺជារដូវវស្សានិងភ្លៀងមូសុង ព្យុះ និងរន្ទះ ហើយអាកាសធាតុញឹកញាប់នៃរន្ទះបាញ់ បណ្តាលឱ្យមានមនុស្សស្លាប់និងរបួសកើតឡើង ពីពេលមួយទៅពេលមួយ៕