អ៊ីរ៉ង់ ៖ អ្នកវិភាគម្នាក់បាននិយាយនៅក្នុងបទសម្ភាសន៍មួយជាមួយបណ្តាញទូរទស្សន៍សកលចិន (CGTN) កាលពីថ្ងៃសៅរ៍ថា អ៊ីរ៉ង់សង្ឃឹមថាប្រធានាធិបតីជាប់ឆ្នោតនឹងអាចធ្វើឱ្យប្រសើរឡើងនូវលទ្ធផលសេដ្ឋកិច្ចក៏ដូចជា ដោះស្រាយបញ្ហាពុករលួយឱ្យបានត្រឹមត្រូវ ដែលប្រទេសនេះកំពុងជួបប្រទះនាពេលកន្លងមក។
ក្រសួងមហាផ្ទៃអ៊ីរ៉ង់បានប្រកាសនៅថ្ងៃដដែលនេះថា ការអត្ថាធិប្បាយនេះបានធ្វើឡើងបន្ទាប់ពីប្រធានតុលាការលោក Ebrahim Raisi បានឈ្នះការបោះឆ្នោតប្រធានាធិបតីអ៊ីរ៉ង់ដោយទទួលបានសំឡេងគាំទ្រជាង ៦០ ភាគរយ។
លោក Erhsan Keivani អ្នកយកព័ត៌មាននៅទីក្រុង Tehran បាននិយាយថា មនុស្សជាច្រើនរំពឹងថាប្រធានាធិបតីថ្មីនឹងនាំសេដ្ឋកិច្ចអ៊ីរ៉ង់ដើរលើផ្លូវត្រូវវិញ ខណៈដែលអ៊ីរ៉ង់ជាប្រទេសសំបូរប្រេងនៅមជ្ឈឹមបូព៌ា។លោកបន្តថា ភាគច្រើនប្រជាជនអ៊ីរ៉ង់មិនបានទៅបោះឆ្នោតនៅឆ្នាំនេះ ព្រោះពួកគេមានអារម្មណ៍ថា ប្រធានាធិបតីមិនមែនជាអ្នកធ្វើកំណែទម្រង់ និងមិនអាចធ្វើឱ្យសេដ្ឋកិច្ចប្រសើរឡើងទេ។ តាមពិតទៅប្រជាជនអ៊ីរ៉ង់សង្ឃឹមថា លោក Raisi ដែលមានទំនាក់ទំនងជាមួយប្រភពថាមពលសំខាន់ៗនៅក្នុងប្រទេសអ៊ីរ៉ង់អាចធ្វើឱ្យសេដ្ឋកិច្ចឈានទៅរកផ្លូវត្រូវ។
លោក Keivani បានមានប្រសាសន៍ថា តម្រូវការសាធារណៈសំខាន់ពីប្រធានាធិបតី ដែលបានជាប់ឆ្នោតគឺដើម្បីប្រយុទ្ធប្រឆាំងនឹងអំពើពុករលួយ ដែលមានលក្ខណៈជាប្រព័ន្ធនិងជាក់ស្តែងដែលបានធ្វើឱ្យកំណើនសេដ្ឋកិច្ចនៅក្នុងប្រទេសថយចុះ។
អ្នកយកព័ត៌មានរូបនេះក៏បាននិយាយផងដែរថាក្នុងអំឡុងពេល ១០ ឆ្នាំរបស់អតីតប្រធានាធិបតីរូហានីមានទឹកប្រាក់រាប់ពាន់លានដុល្លារអាមេរិកត្រូវបានបម្រុងទុកសម្រាប់នាំចូលទំនិញសំខាន់ៗ បង់ការឧបត្ថម្ភធនដល់ពាណិជ្ជករ ដើម្បីនាំចូលស្បៀងអាហារនិងឪសថ ប៉ុន្តែដោយសារតែការអនុវត្តមិនបានល្អរដ្ឋបាលភាគច្រើនត្រូវចំណាយនៅកន្លែងផ្សេងទៀត។
ក្រុមអ្នកវិភាគបានលើកឡើងថា លោក Raisi ទទួលបានសំឡេងភាគច្រើនជាមួយនឹងការអំពាវនាវរបស់លោកឲ្យមានផែនការកែលម្អស្ថានភាពសេដ្ឋកិច្ចដែលរងផលប៉ះពាល់យ៉ាងធ្ងន់ធ្ងរក្រោមការដាក់ទណ្ឌកម្មរបស់សហរដ្ឋអាមេរិក ជំងឺរាតត្បាត COVID-១៩ និងអំពើពុករលួយ។
ក្នុងអំឡុងពេលជជែកពិភាក្សាតាមទូរទស្សន៍នៅថ្ងៃទី ១៨ ខែមិថុនា ប្រធានាធិបតី លោក Raisi បាននិយាយថា ប្រជាជនចង់ឃើញភាពប្រសើរឡើងនៃជីវភាពរស់នៅរបស់ពួកគេ ដែលនេះគឺជាអាទិភាពសម្រាប់រដ្ឋបាលរបស់លោក។
ប្រធានាធិបតីជាប់ឆ្នោតរូបនេះបានកត់សម្គាល់ថា ដើម្បីកាត់បន្ថយតម្លៃទំនិញសំខាន់ៗនៅក្នុងទីផ្សារក្នុងស្រុក ការពឹងផ្អែកលើធនធានរូបិយប័ណ្ណបរទេសគឺចាំបាច់ត្រូវបានបង្រួមអប្បបរមាតាមរយៈការសម្រេចបាននូវភាពគ្រប់គ្រាន់ដោយខ្លួនឯងក្នុងការផលិតផលិតផលសំខាន់ៗ។ ជាមួយគ្នានេះដែរលោកបាននិយាយថាលំនៅដ្ឋានក៏ជាក្តីកង្វល់ដ៏សំខាន់សម្រាប់ប្រជាជនដែរ ដោយប៉ាន់ស្មានថា រដ្ឋបាលរបស់លោកនឹងសាងសង់ផ្ទះចំនួន ៤ លានយូនីតក្នុងរយៈពេល ៤ ឆ្នាំខាងមុខ។
លោក Raisi បានជំរុញឱ្យមានគោលនយោបាយចូលរួមក្នុងការអនុវត្តកម្មវិធីរបស់គាត់ ដោយនិយាយថា ជាមួយនឹងការខិតខំរបស់មនុស្សគ្រប់គ្នានិងដោយការបង្កើតការផ្លាស់ប្តូរនៅក្នុងនាយកដ្ឋានប្រតិបត្តិផ្សេងៗនិងធ្វើឲ្យអ៊ីរ៉ង់រឹងមាំ៕
