វៀតណាមស្វែងរកការគាំទ្រពីអាមេរិកសម្រាប់ការទិញវ៉ាក់សាំងCovid-19

វៀតណាម៖ លោកប្រធានាធិបតី Nguyen Xuan Phuc បានសរសេរលិខិតទៅកាន់ប្រធានាធិបតីអាមេរិក Joe Biden ដើម្បីស្វែងរកជំនួយប្រភពវ៉ាក់សាំង Covid-19 សម្រាប់ប្រទេសវៀតណាម និងការស្រាវជ្រាវដើម្បីផលិតដោយខ្លួនឯង។នេះបើយោងតាមសារព័ត៌មាន VN Express International ។

នៅក្នុងលិខិតដែលបានផ្ញើកាលពីថ្ងៃអាទិត្យលោកបាននិយាយថា Covid-19 កំពុងរាតត្បាតជាថ្មីម្តងទៀតនៅក្នុងប្រទេសវៀតណាម ហើយសហរដ្ឋអាមេរិកមិនត្រឹមតែអាចផ្តល់លទ្ធភាពទទួលបានវ៉ាក់សាំងប៉ុណ្ណោះទេ ប៉ុន្តែថែមទាំងផ្ទេរបច្ចេកវិទ្យាសម្រាប់ប្រទេសវៀតណាមដើម្បីផលិតវ៉ាក់សាំងផងដែរ។

កាលពីថ្ងៃទី ១៧ ខែឧសភាលោក Biden បានប្រកាសថា នៅចុងខែមិថុនាសហរដ្ឋអាមេរិកនឹងបរិច្ចាគវ៉ាក់សាំងចំនួន ៨០ លានដូស បន្ទាប់ពីបានសន្យាផ្តល់វិភាគទានចំនួន ៤ ពាន់លានដុល្លារដល់អង្គការ Covid-19 Vaccines Global Access ឬ Covax ដែលជាគំនិតផ្តួចផ្តើមសកល គាំទ្រដោយអង្គការសុខភាពពិភពលោក ដើម្បីធានាការទទួលបានវ៉ាក់សាំងប្រកបដោយសមធម៌។

រហូតមកដល់ពេលនេះប្រទេសវៀតណាមបានទទួលវ៉ាក់សាំងប្រភេទ AstraZeneca ជិត ២,៥ លានដូសតាមរយៈ Covax ក្នុងចំណោមនោះមានចំនួន ៣៨,៩ លាន ដែលខ្លួនបានចុះហត្ថលេខាលើកិច្ចព្រមព្រៀងនានា។

ក្រសួងសុខាភិបាល បានជួបកាលពីថ្ងៃសុក្រសប្តាហ៍មុនជាមួយអ្នកចែកចាយវ៉ាក់សាំង Moderna ដើម្បីពិភាក្សាអំពីការផ្គត់ផ្គង់វ៉ាក់សាំង Covid-19 របស់ក្រុមហ៊ុនអាមេរិកទៅប្រទេសវៀតណាមក្នុងរយៈពេលដ៏ខ្លីបំផុត។

វៀតណាមបានទទួលវ៉ាក់សាំងចំនួន ៤៦៤.០០០ ដូសពី AstraZeneca តាមរយៈកិច្ចសន្យាហើយបានចុះហត្ថលេខាលើកិច្ចព្រមព្រៀង ដើម្បីទិញវ៉ាក់សាំង Pfizer-BioNTech ចំនួន ៣១ លានដូសក្នុងឆ្នាំនេះ។

ក្រសួងក៏បានអនុញ្ញាតឱ្យមជ្ឈមណ្ឌលស្រាវជ្រាវនិងផលិតវ៉ាក់សាំងនិងជីវសាស្រ្តរបស់ខ្លួន (Polyvac) ទិញចំនួនវ៉ាក់សាំង Sputnik V ដែលមិនទាន់ដឹងអំពីចំនួននៅឡើយ៕