អ្នកបើកយន្ដហោះចម្បាំងរបស់កងទ័ពអាកាសឥណ្ឌា MiG-21 ត្រូវបានសម្លាប់

ឥណ្ឌា៖ ទីភ្នាក់ងារសារព័ត៌មានចិនស៊ីនហួរ យោងតាមសេចក្តីរាយការណ៍របស់ប្រព័ន្ធផ្សព្វផ្សាយឥណ្ឌានៅថ្ងៃទី ២១ យន្តហោះចម្បាំងប្រភេទ MiG-21 របស់កងទ័ពអាកាសឥណ្ឌាបានធ្លាក់នៅតំបន់ Moga ខេត្ត Punjab នៅយប់ថ្ងៃទី ២០ បានសម្លាប់អ្នកបើកយន្ដហោះ។

យោងតាមរបាយការណ៍បានឱ្យដឹងថា អ្នកបើយន្តហោះចម្បាំងកំពុងហ្វឹកហាត់ នៅពេលគ្រោះថ្នាក់បានកើតឡើង។ មូលហេតុនៃការធ្លាក់នេះនៅតែមិនទាន់ច្បាស់នៅឡើយ ហើយយោធាបានបើកការស៊ើបអង្កេត។

ចាប់តាំងពីខែមករាឆ្នាំ ២០២១ ការធ្លាក់ MiG-21 ចំនួន ៣ លើកបានកើតឡើងនៅក្នុងប្រទេសឥណ្ឌា។ កាលពីថ្ងៃទី ៥ ខែមករាយន្តហោះចម្បាំងប្រភេទ MiG-21 របស់កងទ័ពអាកាសឥណ្ឌាបានធ្លាក់នៅរដ្ឋ Rajasthan ភាគខាងលិចប្រទេសឥណ្ឌា ហើយអ្នកបើកយន្តហោះបានរត់គេចខ្លួនដោយសុវត្ថិភាព។

កាលពីថ្ងៃទី ១៧ ខែមីនាយន្តហោះចម្បាំងប្រភេទ MiG-21 របស់កងទ័ពអាកាសឥណ្ឌាបានធ្លាក់ពេលហោះចេញពីមូលដ្ឋានទ័ពអាកាសមួយនៅភាគកណ្តាលប្រទេសឥណ្ឌាសម្រាប់បេសកកម្មហ្វឹកហាត់ប្រយុទ្ធដោយបានសម្លាប់អ្នកបើកយន្តហោះម្នាក់៕