រុស្ស៊ី៖ ទីភ្នាក់ងារសារព័ត៌មានចិនស៊ីនហួរ ប្រធានាធិបតីរុស្ស៊ី លោក វ្លាឌីមៀ ពូទីន បានចុះហត្ថលេខាលើបទបញ្ជាមួយកាលពីថ្ងៃទី ១៧ ដោយណែនាំឲ្យក្រសួងការពារជាតិរុស្ស៊ីនិងក្រសួងការបរទេសជួបពិភាក្សាជាមួយTajikistan ដោយនឹងចុះហត្ថលេខាលើកិច្ចព្រមព្រៀង បង្កើតប្រព័ន្ធការពារដែនអាកាស រួមគ្នាក្នុងតំបន់។
កិច្ចព្រមព្រៀងនេះ គឺជាកិច្ចព្រមព្រៀងដែលគ្មានកំណត់ ហើយភាគីទាំងពីរអាចបញ្ចប់កិច្ចព្រមព្រៀងនេះតាមរយៈការជូនដំណឹងជាលាយលក្ខណ៍អក្សរ។
នៅថ្ងៃទី ២៧ ខែមេសាឆ្នាំនេះ រដ្ឋមន្ត្រីការពារជាតិរុស្ស៊ីលោក Shoigu បានថ្លែងនៅក្នុងទីក្រុង Dushanbe រដ្ឋធានីតាជីគីស្ថានថា ប្រទេសរុស្ស៊ីនិងតាជីគីស្ថានបានសម្រេចបង្កើតប្រព័ន្ធការពារដែនអាកាសក្នុងតំបន់រួមគ្នា ដើម្បីបង្កើនសមត្ថភាពការពារព្រំដែន និងឆ្លើយតបទៅនឹងការគំរាមកំហែងដែលអាចកើតមានពីប្រទេសអាហ្វហ្គានីស្ថាន៕
