Eqm5 on ads news
Photo 2022 10 27 10.25.28
Photo 2022 10 27 15.04.39
Jetour
Cct 01
Website cc time banner

ប៉ាឡេស្ទីននិងអ៊ីស្រាអែលបន្ទោសគ្នាទៅវិញទៅមកនៅកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ

អន្តរជាតិ
/
អ្នកយកព័ត៌មាន:
លី ម៉ាលីង
/

អន្តរជាតិ៖ អ្នកតំណាងមកពីប៉ាឡេស្ទីននិងអ៊ីស្រាអែលកាលពីថ្ងៃអាទិត្យបានស្តីបន្ទោសគ្នាទៅវិញទៅមកនៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិចំពោះជម្លោះដែលកំពុងកើតឡើង ដោយការបើកជជែកដេញដោលគ្នាអំពីស្ថានភាពនៅមជ្ឈឹមបូព៌ានេះធ្វើឡើងតាមរយៈតំណភ្ជាប់វីដេអូ។

នៅឯក្រុមប្រឹក្សាសន្តិសុខអង្គការសហប្រជាជាតិ បានបើកកិច្ចពិភាក្សាដេញដោលលើ“ស្ថានភាពនៅមជ្ឈឹមបូព៌ារួមទាំងបញ្ហាប៉ាឡេស្ទីន” រដ្ឋមន្ត្រីការបរទេសប៉ាឡេស្ទីនលោក Riyad al-Malki បាននិយាយថា អ៊ីស្រាអែលបានប្រព្រឹត្ត “ឧក្រិដ្ឋកម្មសង្គ្រាមនិងឧក្រិដ្ឋកម្មប្រឆាំងនឹងមនុស្សជាតិ” ខណៈដែលតំណាងអចិន្រ្តៃយ៍របស់អ៊ីស្រាអែលប្រចាំនៅអង្គការសហប្រជាជាតិ Gilad Erdan បាននិយាយថា "ហាម៉ាសអនុវត្តការវាយប្រហារ ខណៈពេលដែលលាក់ខ្លួននៅពីក្រោយជនស៊ីវិលប៉ាឡេស្ទីន"។

លោក al-Malki បាននិយាយថា សេរីភាពរបស់ប៉ាឡេស្ទីនគឺជាមាគ៌ាតែមួយគត់ឆ្ពោះទៅរកសន្តិភាពហើយវាជាកាតព្វកិច្ចផ្នែកច្បាប់ និងសីលធម៌របស់ក្រុមប្រឹក្សាសន្តិសុខដើម្បីជួយសម្រេច។

តំណាងអចិន្រ្តៃយ៍របស់អ៊ីស្រាអែលលោក Erdan បាននិយាយថា ក្រុមហាម៉ាសបានបាញ់រ៉ុក្កែតទៅលើជនស៊ីវិលអ៊ីស្រាអែល ខណៈពួកគេកំពុងលាក់ខ្លួននៅពីក្រោយជនស៊ីវិលប៉ាឡេស្ទីន។ លោកបានព្រមានក្រុមប្រឹក្សាសន្តិសុខថា ប្រសិនបើជ្រើសរើសមិនធ្វើការថ្កោលទោសលើក្រុមហាម៉ាស លោកនឹងបំផ្លាញឱកាសនៃការសន្ទនាដើម្បីសន្តិភាព។

អគ្គលេខាធិការនៃអង្គការសហប្រជាជាតិលោក Antonio Guterres បានប្រាប់អង្គប្រជុំថា បច្ចុប្បន្ននេះអរិភាពនៅតំបន់ហ្គាហ្សានិងអ៊ីស្រាអែល គឺគួរឱ្យរន្ធត់ណាស់ ដូច្នេះការប្រយុទ្ធត្រូវតែបញ្ឈប់ជាបន្ទាន់៕

ផ្ទាំងពាណិជ្ជកម្ម
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង