អាមេរិក៖ និយោជិកសហរដ្ឋអាមេរិកបានបន្ថែមការងារចំនួន ២៦៦,០០០ នៅក្នុងខែមេសា ដោយអត្រាអ្នកគ្មានការងារធ្វើមានការផ្លាស់ប្តូរបន្តិចបន្តួចនៅ ៦,១ ភាគរយ។ ចំនួននេះ គឺតិចជាងការប៉ាន់ស្មានរបស់ Dow Jones អំពីការងារថ្មីចំនួន ១ លានកន្លែង ដែលអ្នកសេដ្ឋកិច្ចខ្លះ រំពឹងថានឹងមានកំណើនកាន់តែខ្លាំង។
យោងតាមរបាយការណ៍ ដែលចេញផ្សាយដោយការិយាល័យស្ថិតិការងាររបស់នាយកដ្ឋាន បានឱ្យដឹងថា ការកើនឡើងនៃការងារគួរឱ្យកត់សម្គាល់គឺនៅក្នុង ការកំសាន្ត បដិសណ្ឋារកិច្ច សេវាកម្ម និងការអប់រំរបស់រដ្ឋាភិបាលក្នុងតំបន់ ដែលត្រូវបានទូទាត់ដោយផ្នែកខ្លះ ប៉ុន្តែការធ្លាក់ចុះនៃការងារនៅក្នុងសេវាកម្ម ជំនួយបណ្តោះអាសន្ន និងអ្នកនាំសំបុត្រ ។
របាយការណ៍បានបង្ហាញថាការងារនៅក្នុងការកំសាន្ត និងបដិសណ្ឋារកិច្ច បានកើនឡើងចំនួន ៣៣១.០០០ នាក់ ដោយសារការរឹតត្បិតនៃការរីករាលដាល បានបន្តបន្ធូរបន្ថយនៅតាមតំបន់ជាច្រើននៃប្រទេសនេះ។
អត្រាគ្មានការងារធ្វើនៅ ៦,១ ភាគរយមានការផ្លាស់ប្តូរតិចតួចនៅក្នុងខែមេសា នៅតែមាន ២,៦ ភាគរយ និងចំនួនអ្នកអត់ការងារធ្វើរយៈពេលវែង ដែលបានឈប់ធ្វើការអស់រយៈពេលជាង ២៧ សប្តាហ៍នៅតែមានចំនួនច្រើនដដែលពោលគឺ ៤,២ លាននាក់។
យោងតាមអ្នកសេដ្ឋវិទូមួយចំនួនបានឲ្យដឹងថា អត្រាការងារបច្ចុប្បន្នរបស់សហរដ្ឋអាមេរិក ដែលបានបាត់បង់ដោយសារការផ្ទុះឡើងនៃកូវីដ១៩ នឹងមិនអាចធូស្បើយទេ រហូតដល់ខែវិច្ឆិកាឆ្នាំ ២០២៣។ទន្ទឹមនឹងនេះដែរក្រុមហ៊ុនជាច្រើនកំពុងមានការលំបាកក្នុងការជួលបុគ្គលិកឱ្យបានគ្រប់គ្រាន់ ហើយក្រុមហ៊ុនខ្លះកំពុងប្រឈមនឹងការរំខានដល់ចង្វាក់ផ្គត់ផ្គង់ ដែលអាចរារាំងដល់ការស្ទុះងើបឡើងវិញនៅប៉ុន្មានខែខាងមុខនេះ៕
