អ្នកជំងឺកូវីដ១៩ចំនួន៨៣៤នាក់នៅមណ្ឌលព្យាបាលកោះពេជ្របានជាសះស្បើយ

ភ្នំពេញ៖ អ្នកជំងឺកូវីដ១៩ ចំនួន៨៣៤នាក់ នៅមណ្ឌលព្យាបាលកោះពេជ្រ នៅយប់ថ្ងៃទី២៧ ខែមេសា ឆ្នាំ២០២១ ត្រូវបានប្រកាសថា បានជាសះស្បើយពីជំងឺ បន្ទាប់ពីទទួលការព្យាបាលពីក្រុមពេទ្យ។លោកស្រី ពេជ ចន្ទមុន្នី អនុប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្តយុវជនសម្តេចតេជោ និងជាប្រធានក្រុមដឹកនាំ គ្រូពេទ្យសម្តេចតេជោ ប្រឆាំងកូវីដ១៩។

តាមរយៈទំព័រហ្វេសហ៊ុករបស់ខ្លួន នៅយប់ថ្ងៃទី២៧ ខែមេសា ឆ្នាំ២០២១ លោកស្រី ពេជ ចន្ទមុន្នី បានអះអាងថា មានអំពីករណីព្យាបាលជាសះស្បើយ អ្នកជំងឺកូវីដ១៩ ចំនួន៨៣៤នាក់ នៅមណ្ឌលព្យាបាលកោះពេជ្រ។អ្នកជំងឺដែលជាសះស្បើយទាំងអស់នោះបានណែនាំឲ្យត្រូវធ្វើចត្តាឡីស័កបន្តនៅផ្ទះចំនួន១៤ថ្ងៃបន្តទៀត និងត្រូវធ្វើតេស្តម្តងទៀត នៅថ្ងៃទី១៣ នៃការធ្វើចត្តាឡីស័ក។

លោកស្រី ពេជ ចន្ទមុន្នី បានថ្លែងអំណរគុណ ដល់ក្រុមគ្រូពេទ្យស្ម័គ្រចិត្ត សម្តេចតេជោប្រឆាំង Covid 19 និងក្រុមសេវាជួរមុខទាំងអស់ ដែលបានយកចិត្តទុកដាក់ ថែទាំព្យាបាលអ្នកជំងឺទាំងអស់ ដោយយកចិត្តទុកដាក់ ព្រមទាំងក្រុមកងកំលាំង ដែលបានខិតខំប្រឹងប្រែងការពាររៀបចំ និងសំរួលសណ្តាប់ធ្នាប់ នៅមណ្ឌលព្យាបាលកោះពេជ្រ។